கைத்தறி நெசவாளர் விழாவில் கலந்துகொள்ள சென்னை வந்த பிரதமர் நரேந்திர மோதியை, தமிழக முதல்வர் ஜெ.ஜெயலலிதா நேரில் சென்று வரவேற்றார்.
மத்திய அரசு சார்பில் ஆண்டுதோறும் நடத்தப்படும் கைத்தறி நெசவாளர்கள் விழா, முதல் முறையாக சென்னையில் இன்று (07.08.2015) நடைபெறுகிறது.
சென்னை சேப்பாக்கத்தில் உள்ள சென்னை பல்கலைக்கழக நூற்றாண்டு விழா மண்டபத்தில் நடைபெறும் இந்த விழாவில் பிரதமர் நரேந்திர மோதி கலந்து கொள்கிறார்.
இதற்காக டெல்லியில் இருந்து தனி விமானம் மூலம் இன்று காலை 10.30 மணிக்கு சென்னை மீனம்பாக்கம் விமான நிலையம் வந்த பிரதமர் நரேந்திர மோதியை, தமிழக ஆளுநர் ரோசய்யா. தமிழக முதல்வர் ஜெ.ஜெயலலிதா ஆகியோர், பிரதமர் நரேந்திர மோதிக்கு பொன்னாடை அணிவித்து, மலர் கொத்து கொடுத்து வரவேற்றனர்.
இதைத் தொடர்ந்து, மத்திய அமைச்சர் பொன்.ராதாகிருஷ்ணன், தமிழக அமைச்சர்கள் மற்றும் அதிகாரிகள், பிரதமர் நரேந்திர மோதியை வரவேற்றனர்.
-ஆர்.அருண்கேசவன்.