ஏற்காட்டில் ஒரு மலர்ந்த ரோஜாவின் மையப் பகுதியில் 7 மொட்டுக்கள் உருவாகியிருக்கிறது.
ஏற்காட்டில் ஓய்வு பெற்ற ஆசிரியர் வேதநாயகம் பிள்ளை என்பவரின் வீட்டில் மலர்ந்த ரோஜாவின் மையப் பகுதியில் 7 மொட்டுக்கள் உருவாகியிருக்கிறது. இவ்வாறு அரிதாக மலர்ந்துள்ள பூவினை அப்பகுதியில் உள்ள மக்கள் கண்டு செல்கின்றனர்.
இந்த பூ குறித்து ஏற்காடு பொட்டானிக்கல் சர்வே ஆப் இந்தியா எனும் அரசு நிறுவனத்தில் பணிபுரியும் இளங்கோ கூறியதாவது:
“இது போல பூவினுள் பல மொட்டுக்கள் உருவாவது மரபியல் திடீர் மாற்றமே காரணம். இது புரளிபிரேஷன் என்றழைக்கப்படுகிறது. மேலும் இதுபோன்ற நிகழ்வுகளுக்கு அதிகளவிலான பனியும் ஒரு காரணமாகிறது.” இவ்வாறு கூறினார்.
-நவீன் குமார்.