63-வது தேசியப் பாதுகாப்புக் கல்லூரி பாடப்பிரிவின் ஆசிரியர்கள் மற்றும் பாடத்திட்ட உறுப்பினர்கள் இன்று (அக்டோபர் 4, 2023) குடியரசுத் தலைவர் மாளிகையில் குடியரசுத் தலைவர் திருமதி திரௌபதி முர்முவை சந்தித்தனர்.
இந்நிகழ்வில் உரையாற்றிய குடியரசுத் தலைவர், இன்று நமது பாதுகாப்பு சூழ்நிலைகள் பிராந்திய ஒருமைப்பாட்டைப் பாதுகாப்பதைத் தாண்டி, பொருளாதாரம், சுற்றுச்சூழல், எரிசக்தி பாதுகாப்பு மற்றும் இணையப் பாதுகாப்பு ஆகியவற்றைக் கையாளும் நல்வாழ்வின் பிற பரிமாணங்களையும் உள்ளடக்கியுள்ளது என்றார்.
பாரம்பரிய ராணுவ விவகாரங்களுக்கு அப்பால் ராணுவப் படைகளின் பங்களிப்பு விரிவடைந்துள்ளது. சிக்கலான பாதுகாப்பு மற்றும் பாதுகாப்பு சூழலில் எதிர்கால மோதல்களுக்கு மிகவும் ஒருங்கிணைந்த பல்வேறு அரசு மற்றும் பல்வேறு முகமை அணுகுமுறை தேவைப்படுகிறது. எனவே, எதிர்காலத்தின் சிக்கலான பாதுகாப்பு சூழலை ஒரு விரிவான முறையில் கையாள ராணுவ மற்றும் சிவில் சேவை அதிகாரிகளை தயார் செய்வதில் என்.டி.சி படிப்பு முக்கியப் பங்கு வகிக்கிறது.
பூகோள அரசியல் சூழல் சக்திவாய்ந்ததாகவும், பல சவால்களை முன்வைப்பதாகவும் குடியரசுத் தலைவர் குறிப்பிட்டார். விரைவாக மாறிவரும் புவிசார் அரசியல் சூழலில், எந்தவொரு பாதகமான சூழ்நிலையையும் சமாளிக்க நாம் நன்கு தயாராக இருக்க வேண்டும். தேசிய மற்றும் உலகளாவிய பிரச்சினைகள் குறித்து ஆழமான புரிதலைக் கொண்டிருக்க வேண்டிய அவசியம் உள்ளது. நமது தேசிய நலன்களைப் பாதுகாப்பது மட்டுமல்லாமல், இணையதள நெருக்கடி, தொழில்நுட்பத்தால் இயக்கப்பட்ட பயங்கரவாதம் மற்றும் பருவநிலை மாற்றம் போன்ற புதிய பாதுகாப்பு சவால்களுக்கும் நாம் தயாராக வேண்டும். முன்னாள் ஆராய்ச்சியின் அடிப்படையில் புதுப்பிக்கப்பட்ட அறிவு மற்றும் அதிநவீன தொழில்நுட்பங்கள் பயன்படுத்தப்பட வேண்டும்.
தேசியப் பாதுகாப்பு கல்லூரி பாடத்திட்டங்கள் ஆளுகை, தொழில்நுட்பம், வரலாறு மற்றும் பொருளாதாரம் ஆகியவற்றுடன் தேசியப் பாதுகாப்பு மற்றும் உத்தி சார்ந்த துறைகளையும் உள்ளடக்கிய ஒரு பாடத்திட்டமாகும் என்று குடியரசுத் தலைவர் குறிப்பிட்டார். ஆராய்ச்சி, வகுப்பறை விவாதங்கள், புகழ்பெற்ற பேச்சாளர்களின் நுண்ணறிவுகள் மற்றும் தேசிய மற்றும் சர்வதேச வருகைகள் மூலம் கள வெளிப்பாடு ஆகியவற்றை உள்ளடக்கிய என்.டி.சி.யில் கற்றலின் முழுமையான அணுகுமுறை, சவால்களை எதிர்கொள்வதில் பாடத்திட்ட உறுப்பினர்களை வளப்படுத்தியுள்ளது என்று அவர் நம்பிக்கை தெரிவித்தார்.
திவாஹர்