இன்று காலை அபார்ட் மிஷன் -1 (டிவி-டி 1) இன் சோதனை கலன் வெற்றி இறுதி “ககன்யான்” ஏவலுக்கு முன்னர் தொடர்ச்சியான சோதனை கலன்களை ஏவுவதற்கான முன்னோட்டமாகும் என்று மத்திய அறிவியல் மற்றும் தொழில்நுட்பம் (தனி பொறுப்பு), பிரதமர் அலுவலகம், பணியாளர், மக்கள் குறைகள், ஓய்வூதியம், அணுசக்தி மற்றும் விண்வெளித் துறை இணை அமைச்சர் டாக்டர் ஜிதேந்திர சிங் கூறியுள்ளார். எதிர்பார்த்தபடி முழு பயிற்சியும் முடிந்தவுடன் , “ககன்யான்” க்ரூ மாட்யூலின் (சி.எம்) ஆரம்ப பதிப்பை சுமார் 17 கி.மீ உயரத்திற்கு எடுத்துச் சென்ற ஒற்றை என்ஜின் ராக்கெட், பின்னர் பாராசூட் மூலம் தரையிறக்கப்பட்டது .
“ககன்யான்” திட்டத்தின் மூலம் மனித விண்கலத்தை ஏவுவதற்கான இஸ்ரோ பயணத்தில் இது ஒரு முக்கியமான படியாகும் என்று விண்வெளித் துறை இணையமைச்சர் கூறினார். இன்றைய பயிற்சி ககன்யான் திட்டத்தின் க்ரூ மாட்யூலில் க்ரூ எஸ்கேப் சிஸ்டத்தின் செயல்திறனை சோதித்தது என்று அவர் கூறினார். அடிப்படையில், “ககன்யான்” திட்டத்தின் பணியாளர்கள் விண்கலம் செயலிழப்பு காரணமாக கைவிடப்பட்டால் விண்கலத்திலிருந்து தப்பிக்க அனுமதிக்கும் பாதுகாப்பு பொறிமுறையை இது சோதித்தது என்று அவர் கூறினார்.
சந்திரயான் -3 வெற்றிகரமாக நிலவில் தரையிறங்கிய இரண்டு மாதங்களுக்குப் பிறகு, இன்றைய நிகழ்வு 2025 ஆம் ஆண்டில் ஒரு இந்திய விண்வெளி வீரரை விண்வெளியில் செலுத்தும் நோக்கத்துடன் தொடர்ச்சியான நடைமுறைகளுக்கு வழிவகுத்துள்ளது என்று டாக்டர் ஜிதேந்திர சிங் கூறினார்.
பிரதமர் நரேந்திர மோடி, கடந்த கால கட்டுப்பாடுகள் மற்றும் தளைகளிலிருந்து விண்வெளித் துறையை விடுவித்ததிலிருந்து ,இஸ்ரோவில் மனநிலை உற்சாகமாக உள்ளது, மேலும் தொழில்துறை மற்றும் தனியார் பங்கேற்பாளர்கள் விண்வெளி திட்டங்களில் ஒத்துழைக்க ஒருவருக்கொருவர் போட்டியிடுகிறார்கள். இது ஒரு ஊக்கத்தை அளித்தது மட்டுமல்லாமல், அறிவு மற்றும் நிதி ஆகியவற்றின் அடிப்படையில் மிகப்பெரிய மதிப்பு கூட்டலுக்கு பங்களித்துள்ளது, மேலும் மூன்று ஆண்டுகளில் வெற்றிகரமான ஸ்டார்ட்அப்களின் எண்ணிக்கை 5 க்கும் குறைவாக இருந்து 150 க்கும் அதிகமாக உயர்ந்துள்ளது என்பதற்கான சான்று என அவர் கூறினார்.
டாக்டர் ஜிதேந்திர சிங் கூறுகையில், இந்த சோதனை கலன் மீதமுள்ள தகுதி சோதனைகள் மற்றும் ஆளில்லா பயணங்களுக்கு களம் அமைக்கும், இது இந்திய விண்வெளி வீரர்களுடன் முதல் ககன்யான் திட்டத்திற்கு வழிவகுக்கும் என்றார்.
“ககன்யான்” திட்டத்தில் மனித பாதுகாப்பு மிக முக்கியமானது என்று அமைச்சர் கூறினார். க்ரூ தொகுதி (சிஎம்) என்பது குழுவினருக்கு விண்வெளியில் பூமியைப் போன்ற சூழலைக் கொண்ட வாழக்கூடிய இடமாகும், அதே நேரத்தில் சேவை தொகுதி (எஸ்எம்) சுற்றுப்பாதையில் இருக்கும்போது க்ரூ தொகுதிக்கு தேவையான ஆதரவை வழங்க பயன்படுத்தப்படும்.
பிரதமர் மோடியின் திறமையான வழிகாட்டுதலின் கீழ், இந்தியாவின் விண்வெளித் திட்டம் அதன் முதல் மனிதனை விண்வெளிக்கு அனுப்புவதையும், பின்னர் முதல் இந்திய விண்வெளி வீரரை நிலவுக்கு தரையிறக்குவதையும் நோக்கமாகக் கொண்டுள்ளது.
சமீபத்திய சந்திரயான் -3 மற்றும் ஆதித்யா எல் 1 மிஷன்கள் உட்பட கடந்த 4 முதல் 5 ஆண்டுகளில் ஊக்கம் பெற்ற இந்திய விண்வெளி முன்முயற்சிகளின் வெற்றியை அடிப்படையாகக் கொண்டு, 2035 க்குள் இந்திய விண்வெளி நிலையம் அமைப்பது மற்றும் 2040 க்குள் சந்திரனுக்கு முதல் இந்தியரை அனுப்புவது உள்ளிட்ட புதிய மற்றும் லட்சிய இலக்குகளை இந்தியா இப்போது இலக்காகக் கொள்ள வேண்டும் என்று பிரதமர் மோடி அறிவுறுத்தியுள்ளார் என்று டாக்டர் ஜிதேந்திர சிங் கூறினார்.
பிரதமர் திரு. நரேந்திர மோடியால் இத்துறையைத் திறப்பதன் மூலம் தூண்டப்பட்ட இந்தியாவின் விண்வெளி வலிமையில் இந்தியாவின் மிகப்பெரிய உந்துதலை உலகம் இன்று அங்கீகரித்துள்ளது என்று டாக்டர் ஜிதேந்திர சிங் கூறினார்.
திவாஹர்