மத்திய மீன்வளம், கால்நடை பராமரிப்பு மற்றும் பால்வளத்துறை அமைச்சர் திரு பர்ஷோத்தம் ரூபாலா இன்று குவாஹத்தியில் நடைபெற்ற தேசிய பால் தின நிகழ்வின் போது விலங்கு ஒருங்கிணைந்த மாதிரி கணக்கெடுப்பின் (மார்ச் 2022-பிப்ரவரி 2023) அடிப்படையில் அடிப்படை கால்நடை பராமரிப்பு புள்ளிவிவரங்கள் 2023 (பால், முட்டை, இறைச்சி மற்றும் கம்பளி உற்பத்தி 2022-23) வெளியிட்டார். அடிப்படை கால்நடை பராமரிப்பு புள்ளிவிவரங்களின் முக்கிய அம்சங்கள்:
பால், முட்டை, இறைச்சி மற்றும் கம்பளி உற்பத்தி 2022-23
கோடை (மார்ச்-ஜூன்), மழைக்காலம் (ஜூலை-அக்டோபர்) மற்றும் குளிர்காலம் (நவம்பர்-பிப்ரவரி) ஆகிய மூன்று பருவங்களில் நாடு முழுவதும் நடத்தப்படும் ஒருங்கிணைந்த மாதிரி கணக்கெடுப்பின் (ஐ.எஸ்.எஸ்) முடிவுகளின் அடிப்படையில் நாட்டில் பால், முட்டை, இறைச்சி மற்றும் கம்பளி உற்பத்தி ஆண்டுதோறும் மதிப்பிடப்படுகிறது என்று மத்திய அமைச்சர் திரு பர்ஷோத்தம் ரூபாலா தெரிவித்தார். 2022-23 ஆம் ஆண்டிற்கான பால், முட்டை, இறைச்சி மற்றும் கம்பளி ஆகியவற்றின் மதிப்பீடுகள் வெளியிடப்பட்டுள்ளன மற்றும் இந்த கணக்கெடுப்பின் முடிவுகள் கீழே தொகுக்கப்பட்டுள்ளன:
பால் உற்பத்தி:
2022-23 ஆம் ஆண்டில் நாட்டின் மொத்த பால் உற்பத்தி 230.58 மில்லியன் டன்னாக மதிப்பிடப்பட்டுள்ளது, இது கடந்த 5 ஆண்டுகளில் 22.81% வளர்ச்சியைப் பதிவு செய்துள்ளது, இது 2018-19 ஆம் ஆண்டில் 187.75 மில்லியன் டன்னாக இருந்தது.
2022-23 ஆம் ஆண்டில் அதிக பால் உற்பத்தி செய்யும் மாநிலமாக உத்தரபிரதேசம் 15.72% பங்கைக் கொண்டுள்ளது, ராஜஸ்தான் (14.44%), மத்தியப் பிரதேசம் (8.73%), குஜராத் (7.49%) மற்றும் ஆந்திரா (6.70%).
முட்டை உற்பத்தி:
நாட்டின் மொத்த முட்டை உற்பத்தி 138.38 பில்லியன் என மதிப்பிடப்பட்டுள்ளது என்று திரு பர்ஷோத்தம் ரூபாலா கூறினார்.2018-19 ஆம் ஆண்டில்103.80 பில்லியன் எண்ணிக்கைகளின் மதிப்பீடுகளுடன் ஒப்பிடும்போது, 2022-23 ஆம் ஆண்டில் கடந்த 5 ஆண்டுகளில் 33.31% வளர்ச்சியைப் பதிவு செய்துள்ளது. மேலும், 2021-22 ஆம் ஆண்டை விட 2022-23 ஆம் ஆண்டில் உற்பத்தி 6.77% அதிகரித்துள்ளது.
மொத்த முட்டை உற்பத்தியில் ஆந்திராவின் பங்களிப்பு 20.13%, தமிழ்நாடு (15.58%), தெலங்கானா (12.77%), மேற்கு வங்கம் (9.94%) மற்றும் கர்நாடகா (6.51%) ஆகும்.
இறைச்சி உற்பத்தி:
2022-23 ஆம் ஆண்டில் நாட்டின் மொத்த இறைச்சி உற்பத்தி 9.77 மில்லியன் டன்னாக மதிப்பிடப்பட்டுள்ளது, இது 2018-19 ஆம் ஆண்டில் 8.11 மில்லியன் டன்களாக மதிப்பிடப்பட்ட நிலையில், கடந்த 5 ஆண்டுகளில் 20.39% வளர்ச்சியைப் பதிவு செய்துள்ளது என்று மத்திய அமைச்சர் கூறினார்.
மொத்த இறைச்சி உற்பத்தியில் உத்தரபிரதேசம் 12.20% பங்குடன் வருகிறது, அதைத் தொடர்ந்து மேற்கு வங்கம் (11.93%), மகாராஷ்டிரா (11.50%), ஆந்திரா (11.20%) மற்றும் தெலுங்கானா (11.06%) ஆகியவை உள்ளன.
கம்பளி உற்பத்தி:
2022-23 ஆம் ஆண்டில் நாட்டின் மொத்த கம்பளி உற்பத்தி 33.61 மில்லியன் கிலோவாக மதிப்பிடப்பட்டுள்ளது, இது கடந்த 5 ஆண்டுகளில்16.84% எதிர்மறை வளர்ச்சியைப் பதிவு செய்துள்ளது, இது 2018-19 ஆம் ஆண்டில் 40.42 மில்லியன் கிலோவாக இருந்தது என்று திரு ரூபாலா கூறினார்.
மொத்த கம்பளி உற்பத்தியில் ராஜஸ்தான் 47.98%, ஜம்மு காஷ்மீர் 22.55%, குஜராத் 6.01%, மகாராஷ்டிரா 4.73%, இமாச்சலப் பிரதேசம் 4.27% பங்கு வகிக்கின்றன.
எம்.பிரபாகரன்