வளரிளம் பெண்களின் ஊட்டச்சத்து மேம்பாட்டுக்கான மத்திய மகளிர் மற்றும் குழந்தைகள் மேம்பாட்டு அமைச்சகம் – ஆயுஷ் அமைச்சகம் இடையேயான ஒத்துழைப்பை மேலும் வலுப்படுத்துவதற்கான தேசிய நிகழ்ச்சி நாளை நடைபெற உள்ளது .

ஒத்துழைப்பு மற்றும் ஒருங்கிணைந்த முயற்சிகள் மூலம், பெண்கள் மற்றும் குழந்தைகள் மேம்பாட்டு அமைச்சகம்  மற்றும் ஆயுஷ் அமைச்சகம் ஆகியவை பாரம்பரிய அறிவைப் பயன்படுத்துதல், கூட்டு யோகா நெறிமுறைகள் மூலம் ஆரோக்கியத்தை மேம்படுத்துதல் மற்றும் உள்நாட்டில் வளர்க்கப்படும் ஆரோக்கியமான உணவுகளை உட்கொள்வதன் மூலம் உணவு பன்முகத்தன்மையை ஊக்குவித்தல் ஆகியவற்றில் செயல்பட்டு வருகின்றன.

இந்த ஒத்துழைப்பை மேலும் வலுப்படுத்த, மத்திய பெண்கள் மற்றும் குழந்தைகள் மேம்பாடு மற்றும் சிறுபான்மையினர் விவகாரங்கள் துறை அமைச்சர் திருமதி ஸ்மிருதி ஜுபின் இரானி,  மத்திய ஆயுஷ் மற்றும் துறைமுகங்கள், கப்பல் மற்றும் நீர்வழிகள் துறை அமைச்சர் திரு சர்பானந்தா சோனோவால் ஆகியோர் தலைமையில்  நாளை(2024 பிப்ரவரி 26) விஞ்ஞான் பவனில் ஒரு தேசிய நிகழ்ச்சி நடைபெற உள்ளது.

இந்த நிகழ்வின் போது, 5 முன்னணி மாவட்டங்களில் வளரிளம் பெண்களின் ஊட்டச்சத்து நிலையை மேம்படுத்துவதற்காக பெண்கள் மற்றும் குழந்தைகள் மேம்பாட்டு அமைச்சகம் மற்றும் ஆயுஷ் அமைச்சகம் இடையே புரிந்துணர்வு ஒப்பந்தம் கையெழுத்திடப்படும்.

இந்த ஒருங்கிணைப்பு ஆயுர்வேதம் போன்ற பாரம்பரிய சுகாதார அமைப்புகளின் வலிமையைப் பயன்படுத்த முயல்கிறது, அதே நேரத்தில் பெண்கள் மற்றும் குழந்தைகளிடையே முழுமையான நல்வாழ்வை மேம்படுத்துவதற்கான நவீன சுகாதார அமைப்புகள் மற்றும் நுட்பங்களை இணைக்கிறது.

பாரம்பரிய ஞானம் மற்றும் நடைமுறைகளில் வேரூன்றிய ஊட்டச்சத்து தீர்வுகள், பெண்கள் மற்றும் குழந்தைகள் மேம்பாட்டு அமைச்சகத்தின் திட்டமான சக்ஷம் அங்கன்வாடி மற்றும் போஷன் 2.0 (போஷன் 2.0)-ன் முக்கிய அங்கமாகும். இந்தத் திட்டத்தின் கீழ் தலையீடுகள் மற்றும் உத்திகள் முக்கிய அமைச்சகங்கள் மற்றும் துறைகள் மற்றும் மாநிலங்கள் / யூனியன் பிரதேசங்களுடன் இணைந்து பல துறை அணுகுமுறை மூலம் ஊட்டச்சத்துக் குறைபாட்டை எதிர்த்துப் போராட முற்படுகின்றன. வளர்ச்சி குறைபாடு, உடல் மெலிதல், ரத்த சோகை மற்றும் குறைந்த பிறப்பு எடை ஆகியவற்றைக் குறைக்க, போஷன் 2.0 -ன் பொதுவான மையம் ஆயுஷ் மூலம் ஆரோக்கியத்தில் கவனம் செலுத்துகிறது, இது ஊட்டச்சத்துக் குறைபாடுகளை மட்டுமல்ல, தாய்வழி ஊட்டச்சத்து, குழந்தை மற்றும் இளம் குழந்தை உணவளிக்கும் விதிமுறைகள் மற்றும் குழந்தைகளுக்கான சிகிச்சையிலும் கவனம் செலுத்துகிறது. ஊட்டசத்து மாதம் மற்றும் ஊட்டசத்து வாரம் இருமுறை போன்ற தேசிய சமூக நிகழ்வுகளின் கீழ் நடத்தை மாற்ற தகவல்தொடர்புக்கான முக்கியமான நடவடிக்கைகளும் நடத்தப்படுகின்றன.

திவாஹர்