பாரம்பரியத்தை ஏற்றுக்கொள் 2.0 திட்டத்தின் கீழ் நினைவுச் சின்னங்களைத் தத்தெடுப்பதற்கான புரிந்துணர்வு ஒப்பந்தங்களில் இந்திய தொல்லியல் துறை ஆணையம் நாளை புதுப்பிக்கப்பட்ட இணையதளத்தை வெளியிடுவதுடன், புரிந்துணர்வு ஒப்பந்தங்களில் கையெழுத்திடுகிறது .

இந்தியாவின் வளமான கலாச்சாரப் பாரம்பரியத்துடன் அணுகல் மற்றும் ஈடுபாட்டை மேம்படுத்தும் திட்டத்தின் கீழ், இந்திய தொல்பொருள் ஆய்வு நிறுவனம் (ஏ.எஸ்.ஐ) அதன் புதுப்பிக்கப்பட்ட வலைத்தளத்தை வெளியிட உள்ளது, இது நாடு முழுவதும் உள்ள மக்களின் மாறும் தேவைகளைப் பூர்த்தி செய்யும் வகையில் வடிவமைக்கப்பட்டுள்ளது. வெளியீட்டு நிகழ்வு, புதுதில்லியில் உள்ள தேசிய அருங்காட்சியகத்தில் நாளை நடைபெறும் எனத் திட்டமிடப்பட்டுள்ளது. இந்தப் புதிதாக மேம்படுத்தப்பட்ட தளம் பல்வேறு செயல்பாடுகளை வழங்குகிறது. வரலாற்று தளங்கள் முதல் கல்வி வளங்கள் வரை, ஏஎஸ்ஐ-யின் ஒவ்வொரு நடவடிக்கையும் உன்னிப்பாகக் கவனிக்கத்தக்கதாகும். பயனர்கள் இந்தியாவின் வளமான கலாச்சாரத்தின் பல்வேறு அம்சங்களை சிரமமின்றி ஆராயலாம்,

மேலும், மாணவர்கள் தகவல்களை அணுகுவதற்கான மதிப்புமிக்க ஆதாரமாக வலைத்தளத்தைக் காண்பார்கள். இந்த விரிவான டிஜிட்டல் மாற்றியமைத்தல், அனைவரின் நலனுக்காக தொழில்நுட்பத்தை மேம்படுத்துவதற்கான ஏஎஸ்ஐ-யின் உறுதிப்பாட்டைப் பிரதிபலிக்கிறது, நாட்டின் கலாச்சார பொக்கிஷங்கள் பரந்த பார்வையாளர்களுக்கு அணுகப்படுவதை உறுதி செய்கிறது.

இந்தியாவின் கலாச்சாரப் பாரம்பரியத்தை பாதுகாப்பதற்கும், மேம்படுத்துவதற்கும் ஒரு குறிப்பிடத்தக்க வளர்ச்சியில், இந்திய தொல்பொருள் ஆய்வு நிறுவனம் ‘பாரம்பரியத்தை ஏற்றுக்கொள் 2.0’ திட்டத்தைச் செயல்படுத்தவுள்ளது. இப்போது நினைவுச்சின்னங்களைத் தத்தெடுப்பதற்காக பல்வேறு நிறுவனங்களுடன் புரிந்துணர்வு ஒப்பந்தங்களில் கையெழுத்திட உள்ளது.

நாடு முழுவதும் 3600-க்கும் மேற்பட்ட நினைவுச்சின்னங்கள் அதன் பாதுகாப்பின் கீழ் இருப்பதால், இந்தக் கலாச்சாரப் பொக்கிஷங்களில் பார்வையாளர்களின் அனுபவத்தை மேம்படுத்துவதற்கும் பாதுகாப்பை உறுதி செய்வதற்கும் வெளிப்புற கூட்டாளர்களுடன் ஒத்துழைப்பதன் முக்கியத்துவத்தை ஏ.எஸ்.ஐ அங்கீகரிக்கிறது. இந்தப் புரிந்துணர்வு ஒப்பந்தங்களில் கையெழுத்திடப்படுவதன் மூலம், குறிப்பிட்ட நினைவுச் சின்னங்களை தத்தெடுத்தல், அவற்றின் பராமரிப்புக்கு பங்களித்தல் மற்றும் பொதுமக்களுக்கு சிறந்த முறையில் காட்சிப்படுத்துதல் ஆகிய பொறுப்புகளை இந்த முகமைகள் மேற்கொள்ள வேண்டிய உறுதிப்பாட்டை முறைப்படுத்தும்.

இந்த நிகழ்ச்சியில், பல்வேறு முகமைகள் முன்னிலையில், மத்திய இணையமைச்சர் திருமதி மீனாட்சி லேகி மற்றும் இதர பிரமுகர்கள் கையெழுத்திட உள்ளனர். இந்தியாவின் பன்முகப் பாரம்பரியத்தை பாதுகாப்பதற்கான கூட்டாண்மையை வளர்ப்பதில் அரசின் அர்ப்பணிப்பை இது அடிக்கோடிட்டுக் காட்டுகிறது.

இந்த முன்முயற்சி தற்போதுள்ள பாரம்பரியத்தை ஏற்றுக்கொள் 2.0 திட்டத்தை உருவாக்குகிறது மற்றும் எதிர்கால சந்ததியினருக்காக நமது பாரம்பரியத்தை பாதுகாப்பதிலும், பார்வையாளர்களுக்கு இறுதி முதல் இறுதி அனுபவத்தை மேம்படுத்துவதிலும் பொது மற்றும் தனியார் நிறுவனங்களின் கூட்டுப் பொறுப்பை அடிக்கோடிட்டுக் காட்டுகிறது.

குதுப் மினார், பழைய கோட்டை, உகர் சைனின் பாவ்லி, ஹுமாயுன் கல்லறை, மேல் கோட்டை அகுவாடா, எலிபெண்டா குகைகள், ஆக்ரா கோட்டை, பீம்பேட்கா, புத்த ஸ்தூபி, கைலாசநாதர் கோயில், குழு கோயில்கள் கஜுராஹோ, சப்தர்ஜங் கல்லறை, நினைவுச்சின்னங்களின் குழு, மாமல்லபுரம், ஜமாலி கமலி, பால்பன் கல்லறை, சூரியக் கோயில், கோனார்க் ஆகியவற்றுக்கு இடைப்பட்ட பகுதி ஆகியவை இந்த நினைவுச்சின்னங்களில் அடங்கும்.

எம்.பிரபாகரன்