10 நட்பு நாடுகளைச் சேர்ந்த 39 பேர் உட்பட 154 வழக்கமான பாடத்திட்ட, 137 தொழில்நுட்ப பட்டதாரிகள் உள்பட மொத்தம் 394 பயிற்சி அதிகாரிகள் ஜூன் 08, 2024 அன்று உத்தராகண்ட் மாநிலம் டேராடூனில் உள்ள இந்திய ராணுவ அகாடமியில் தேர்ச்சி பெற்றனர்.
வடக்கு கட்டளை தளபதி லெப்டினன்ட் ஜெனரல் எம்.வி.சுசீந்திர குமார் பயிற்சி முடித்த அதிகாரிகளின் பயிற்சி நிறைவு அணிவகுப்பை ஆய்வு செய்தார். பயிற்சியை வெற்றிகரமாக முடித்த அதிகாரிகளுக்கு அவர் வாழ்த்து தெரிவித்தார். சிறந்த அணிவகுப்பு மற்றும் துல்லியமான மற்றும் ஒருங்கிணைந்த பயிற்சி இயக்கங்களுக்காக அவர்களையும், பயிற்சியாளர்களையும் அவர் பாராட்டினார், இது இளம் அதிகாரிகள் பயிற்சி மற்றும் ஒழுக்கத்தின் உயர் தரத்தை சுட்டிக்காட்டுகிறது.
“அணிவகுப்பு என்பது உங்கள் பயிற்சியின் உச்சக்கட்டம் மற்றும் தொழில்முறை வாழ்க்கையின் தொடக்கமாகும். இது உங்கள் வாழ்நாளில் ஒருமுறை வரும் தருணமாகும், மேலும் இது அனைத்து எதிர்கால முயற்சிகளுக்கும் உத்வேகம் அளிக்கும். நீங்கள் எடுக்கும் உறுதிமொழியும், உங்கள் தேசத்திற்கு நீங்கள் செய்யும் உறுதிமொழிகளும் புனிதமானவை, இன்று நீங்கள் பெருமையுடனும் வலிமையுடனும் நிற்கிறீர்கள் என்பது ஒரு அதிகாரியாக நீங்கள் செய்த கடின உழைப்புக்கு சான்றாகும் “என்று அவர் கூறினார்.
போரின் வேகமாக மாறிவரும் இயக்கவியல் குறித்து, தொழில்நுட்ப மாற்றம் நவீன போர்களின் தன்மையை தொடர்ந்து பாதிக்கிறது என்று அவர் கூறினார். “இயந்திரத்தின் பின்னால் இருப்பவர்தான் மிகவும் முக்கியமானவர் என்ற பழமொழியை நினைவில் கொள்ளுங்கள். உடல் தகுதி, மன சுறுசுறுப்பு, விமர்சன சிந்தனை, தொழில்நுட்ப வலிமை மற்றும் சூழ்நிலைகளுக்கு ஏற்ப விரைவான பதில் ஆகியவை உங்கள் வெற்றிக்கு முக்கியமாக இருக்கும், “என்று அவர் கூறினார்.
நிகழ்ச்சியில், அகாடமியில் சிறந்து விளங்கியவர்களுக்கு பதக்கங்கள் வழங்கப்பட்டன.
அணிவகுப்பை ஆய்வு செய்த பின்னர், லெப்டினன்ட் ஜெனரல் எம்.வி.சுசீந்திர குமார் மதிப்புமிக்க பயிற்சி அகாடமியின் துணிச்சலான முன்னாள் மாணவர்களுக்கு ஐ.எம்.ஏவின் போர் நினைவுச்சின்னத்தில் மலர் வளையம் வைத்து அஞ்சலி செலுத்தினார்.
திவாஹர்