இந்திய விமானப் போக்குவரத்துத் துறையின் ஒட்டுமொத்த வளர்ச்சிக்கு உகந்த சூழலை உருவாக்கும் வகையில், தேசிய சிவில் விமானப் போக்குவரத்துக் கொள்கை 2016-ஐ அரசு உருவாக்கியுள்ளது. பசுமைக் களத் திட்டங்கள் மற்றும் உடான் திட்டத்தின் கீழ் விமான நிலையங்களின் உள்கட்டமைப்பு மேம்பாடு இதில் அடங்கும்.
மேலும், இந்திய விமானப் போக்குவரத்துத் துறையில் விமானிகள்/பணியாளர்களுக்கு பற்றாக்குறை இல்லை. இருப்பினும், சில வகையான விமானங்களில் பற்றாக்குறை உள்ளது, மேலும் வெளிநாட்டு விமானக்குழு தற்காலிக அங்கீகாரத்தை (FATA) வழங்குவதன் மூலம் வெளிநாட்டு விமானிகளைப் பயன்படுத்தி இது நிர்வகிக்கப்படுகிறது.
கடந்த ஐந்து ஆண்டுகளில் வழங்கப்பட்ட வணிக விமான ஓட்டுநர் உரிமங்களின் எண்ணிக்கை (CPLs) கீழே குறிப்பிடப்பட்டுள்ளது:
| ஆண்டுகள் | வழங்கப்பட்ட வணிக ஒப்பந்த உரிமம்; |
| 2019 | 744 |
| 2020 | 578 |
| 2021 | 862 |
| 2022 | 1165 |
| 2023 | 1622 |
| 2024 (17.07.2024 வரை) | 739 |
| மொத்தம் | 5710 |
சிவில் விமானப் போக்குவரத்துத் துறையில் திறன் மேம்பாட்டுக்காக அரசு மேற்கொண்டுள்ள இதர முன்முயற்சிகள் வருமாறு:
நாட்டில் பயிற்சி பெற்ற விமானிகளைள அதிகரிப்பதற்காக, இந்திய விமான நிலைய ஆணையம் (AAI) தாராளமயமாக்கப்பட்ட பறக்கும் பயிற்சி அமைப்பு (FTO) கொள்கையை கொண்டு வந்துள்ளது.
ii. 2021 ஆம் ஆண்டில், போட்டி ஏல செயல்முறைக்குப் பிறகு, ஏஏஐ பெலகாவி (கர்நாடகா), ஜல்கான் (மகாராஷ்டிரா), கலபுராகி (கர்நாடகா), கஜுராஹோ (மத்தியப் பிரதேசம்) மற்றும் லிலாபாரி (அசாம்) ஆகிய ஐந்து விமான நிலையங்களில் ஒன்பது எப்டிஓ இடங்களை வழங்கியது. ஜூன் 2022 இல், இரண்டாவது சுற்று ஏலத்தின் கீழ், ஐந்து விமான நிலையங்களில் ஏஏஐ -ல் ஆறு எப்டிஓ இடங்கள் வழங்கப்பட்டன,
iii. விமானப் போக்குவரத்து இயக்குநரகம், விமான பராமரிப்பு பொறியாளர்கள் (AME) மற்றும் பறக்கும் குழு (FC) விண்ணப்பதாரர்களுக்கு நவம்பர் 2021 முதல் ஆன்லைன்-ஆன் (OLODE) அறிமுகப்படுத்தியுள்ளது.
மக்களவையில் கேள்வி ஒன்றுக்கு எழுத்து மூலம் அளித்த பதிலில் சிவில் விமானப் போக்குவரத்துத் துறை இணையமைச்சர் திரு முரளிதர் மொஹால் இந்தத் தகவலைத் தெரிவித்தார்.
எம்.பிரபாகரன்