குடியரசுத் தலைவர் திருமதி திரௌபதி முர்மு, இன்று (ஆகஸ்ட் 14, 2024) அமிர்த தோட்ட திறப்பு விழாவில் கலந்து கொண்டு சிறப்பித்தார்.
பொது மக்கள் பார்வைக்காக அமிர்த தோட்டம் 2024, ஆகஸ்ட் 16 முதல் செப்டம்பர் 15 வரை, காலை 10:00 மணி முதல் மாலை 6:00 மணி வரை திறந்திருக்கும். திங்கட்கிழமை பராமரிப்பு நாள் என்பதால் அனுமதி கிடையாது.
தேசிய விளையாட்டு தினத்தையொட்டி ஆகஸ்ட் 29 ஆம் தேதி விளையாட்டு வீரர்களுக்கும், ஆசிரியர் தினத்தையொட்டி செப்டம்பர் 5 ஆம் தேதி ஆசிரியர்களுக்கு மட்டும் அனுமதி அளிக்கப்படும்.
பார்வையாளர்கள் தங்கள் வருகையை பதிவு செய்வது கட்டாயமாகும். தோட்டத்தை கட்டணமின்றி காணலாம். பார்வையாளர்கள் தங்கள் வருகையை குடியரசுத் தலைவர் இணையதளத்தில் (https://visit.rashtrapatibhavan.gov.in/) முன்பதிவு செய்யலாம். நேரடியாக வரும் பார்வையாளர்கள் நுழைவுவாயில் எண் 35-க்கு வெளியே அமைக்கப்பட்டுள்ள சுய சேவை மையங்கள் மூலமும் பதிவு செய்து கொள்ளலாம்.
எம்.பிரபாகரன்