மகாராஷ்டிர மாநிலம் புனேயில் இன்று (செப்டம்பர் 3, 2024) நடைபெற்ற சிம்பயோசிஸ் இன்டர்நேஷனல் (நிகர்நிலைப் பல்கலைக்கழகம்) 21-வது பட்டமளிப்பு விழாவில் குடியரசுத் தலைவர் திருமதி திரௌபதி முர்மு கலந்து கொண்டார்.
மாணவர்கள் மத்தியில் உரையாற்றிய குடியரசுத் தலைவர், இன்று மாணவர்கள் தங்கள் ஆளுமை மற்றும் அறிவால் உள்நாட்டிலும் வெளிநாட்டிலும் நேர்மறையான மாற்றத்தை ஏற்படுத்தும் அளவுக்கு திறன் பெற்றுள்ளனர் என்று கூறினார். அவர்கள் மேலாண்மை, சுகாதாரம், சட்டம், சமூக அறிவியல் மற்றும் பிற துறைகளில் புதுமை, செயற்கை நுண்ணறிவு மற்றும் இயந்திர கற்றல் மூலம் பயனுள்ள பங்களிப்புகளை செய்ய முடியும். நாட்டின் பல்வேறு சமூகங்கள் மற்றும் பிராந்தியங்களின் கலாச்சாரத்தையும் அவர்களின் தற்போதைய தேவைகளையும் புரிந்து கொள்ள வேண்டும் என்று அவர் வலியுறுத்தினார். இந்த அறிவின் அடிப்படையில், அவர்கள் மென்பொருள், சுகாதார தயாரிப்புகள் மற்றும் சந்தைப்படுத்தல் உத்திகளை உருவாக்க வேண்டும், இது அனைவரின், குறிப்பாக பின்தங்கிய பிரிவினரின் வளர்ச்சிக்கு உதவுகிறது, மேலும் நிலைத்தன்மையை ஊக்குவிக்கிறது என்று அவர் கூறினார். தொடங்கிடு இந்தியா, திறன் இந்தியா, இந்தியாவில் உற்பத்தி செய்வோம், டிஜிட்டல் இந்தியா போன்ற முன்முயற்சிகள் அவர்களின் இலக்குகளை அடைய உதவும் என்று அவர் கூறினார்.
சிம்பயோசிஸ் இன்டர்நேஷனல் கண்காட்சியில் பயிலும் சுமார் 33,000 மாணவர்களில், சிறுவர் சிறுமியரின் எண்ணிக்கை ஏறத்தாழ சமமாக உள்ளது என்று குறிப்பிட்ட குடியரசுத் தலைவர், பெண் சக்தியின் முன்னேற்றம் குடிமக்களுக்கு பெருமை சேர்ப்பது மட்டுமல்ல, நாட்டின் வளர்ச்சிக்கான முக்கிய அளவுகோலும் கூட என்று கூறினார். சிம்பயோசிஸ் நிகர்நிலைப் பல்கலைக்கழகம் பாலின சமத்துவத்திற்கு முன்னுரிமை அளித்து, பெண் கல்விக்கு முறையான சூழல் மற்றும் வசதிகளை வழங்கி வருவது குறித்து அவர் மகிழ்ச்சி தெரிவித்தார். அனைத்து கல்வி நிறுவனங்களும் மாணவிகளை உயர் கல்விக்காக ஊக்குவிக்கவும், அவர்களுக்கு பாதுகாப்பான மற்றும் ஆதரவான சூழலை உருவாக்கவும் அவர் கேட்டுக்கொண்டார்.
மருத்துவ சேவைகளை மேம்படுத்துவதற்கான ஒரு நடவடிக்கையாக ‘சிம்பயோசிஸ் ஆரோக்கிய தாம்’ நிறுவப்பட்டதற்கு குடியரசுத் தலைவர் பாராட்டு தெரிவித்தார். சிம்பயோசிஸ் நிகர்நிலைப் பல்கலைக்கழகம், வளாகத்தைச் சுற்றியுள்ள கிராமங்களில் நடமாடும் குடும்ப சுகாதார மையங்களை இயக்கி வருவது குறித்து அவர் மகிழ்ச்சி தெரிவித்தார். இளைய தலைமுறையினருக்கு நவீன தொழில்நுட்ப அறிவுடன் மதிப்பு அடிப்படையிலான கல்வியை வழங்குவதே அனைத்து கல்வி நிறுவனங்களின் நோக்கமாக இருக்க வேண்டும் என்று அவர் கூறினார்.
சிம்பயோசிஸ் பல்கலைக்கழகத்தின் பேராசிரியர்கள், ஆசிரியர்கள் மற்றும் முன்னாள் மாணவர்கள் கல்வி முறையில் ஆராய்ச்சியை ஊக்குவிக்க வேண்டும் என்று குடியரசுத் தலைவர் வலியுறுத்தினார். பல வருட ஆராய்ச்சி புதிய கண்டுபிடிப்புகளுக்கு வழிவகுக்கிறது மற்றும் சவால்களுக்கு புதிய தீர்வுகளை வழங்குகிறது என்று அவர் கூறினார். இந்தியாவின் ஆராய்ச்சி அறிஞர்கள் நாட்டின் பிரச்சினைகளுக்கு மட்டுமல்ல, உலகின் பிரச்சினைகளுக்கும் தீர்வு காண முடியும். தேசிய கல்விக் கொள்கையும் ஆராய்ச்சியை ஊக்குவிப்பதை வலியுறுத்துகிறது என்று அவர் சுட்டிக்காட்டினார். பல்கலைக்கழகத்தில் நீர்வள மேலாண்மை, ஸ்டெம் செல், நானோ அறிவியல், பருவநிலை மாற்றம் உள்ளிட்ட பல்வேறு துறைகளில் பல்துறை ஆராய்ச்சி மையங்கள் செயல்பட்டு வருவது மகிழ்ச்சி அளிப்பதாக அவர் கூறினார்.
ஒவ்வொரு பணியிலும் சிறந்து விளங்க முயற்சிக்குமாறு மாணவர்களுக்கு குடியரசுத் தலைவர் அறிவுரை வழங்கினார். ஆனால் சிலர் அதிக பணம், ஒரு பெரிய வீடு, ஒரு பெரிய கார் மற்றும் பிற விஷயங்களை வெற்றியின் அடையாளமாக கருதுகிறார்கள். வெற்றியின் உண்மையான அர்த்தத்தை அவர்கள் புரிந்துகொள்வார்கள் என்றும், மற்றவர்களின் வாழ்க்கைத் தரத்தை மேம்படுத்தும் இதுபோன்ற பணிகளைச் செய்வார்கள் என்றும் அவர் நம்பிக்கை தெரிவித்தார்.
திவாஹர்