பணியிடத்தில் தூய்மை மற்றும் சுகாதாரத்தை பராமரிப்பதற்கான உறுதிப்பாட்டின் தொடர்ச்சியாக, பாதுகாப்புத் துறை 2024, ஜனவரி முதல் ஆகஸ்ட் வரை அதன் ஒருங்கிணைந்த மற்றும் துணை அலுவலகங்களில் மொத்தம் 5,979 தூய்மை இயக்கங்களை நடத்தியுள்ளது. இந்த இயக்கங்கள் பணியிட அனுபவம், இட மேலாண்மை மற்றும் ஆரோக்கியமான பணிச்சூழலை மேம்படுத்துவதில் குறிப்பிடத்தக்க பங்களிப்பை வழங்கியுள்ளன, அதே நேரத்தில் வருவாயையும் ஈட்டுகின்றன.
இந்த காலகட்டத்தில், இந்த அர்ப்பணிப்பு முயற்சிகளின் விளைவாக 68,312 சதுர அடி இடம் தூய்மைப்படுத்தப்பட்டுள்ளது. இந்த இடங்களி லிருந்து பழைய பொருட்களை அகற்றியதன் மூலம் ரூ. 5.35 கோடி வருவாயும் கிடைத்துள்ளது. இந்த இயக்கங்களின் கீழ், கோப்புகளை அகற்றுதல், பழைய உபகரணங்களை அப்புறப்படுத்துதல், வெளிப்புற மற்றும் உட்புற தூய்மை இயக்கங்கள் போன்ற பல்வேறு நடவடிக்கைகள் ஒருங்கிணைந்த மற்றும் சார்நிலை அலுவலகங்களில் மேற்கொள்ளப்பட்டன.
திவாஹர்