மத்திய அறிவியல் மற்றும் தொழில்நுட்பத் துறை இணையமைச்சர் (தனிப்பொறுப்பு), புவி அறிவியல் துறை இணையமைச்சர் (தனிப்பொறுப்பு), பிரதமர் அலுவலகம், அணுசக்தித் துறை, விண்வெளித் துறை, பணியாளர், பொதுமக்கள் குறைதீர்ப்பு மற்றும் ஓய்வூதியங்கள் துறை இணையமைச்சர் டாக்டர் ஜிதேந்திர சிங், விளைவு சார்ந்த ஆளுகைக்கான ‘விதியிலிருந்து பாத்திரத்திற்கு’ மாற்றத்தை வலுவாக வலியுறுத்தியுள்ளார்.
புதுதில்லியில் இன்று நடைபெற்ற ‘மிஷன் கர்மயோகி’ பயிலரங்கில் உரையாற்றிய டாக்டர் ஜிதேந்திர சிங், பாரம்பரிய விதிகள் அடிப்படையிலான அமைப்பிலிருந்து, ஆற்றல்மிக்க, பங்களிப்பு அடிப்படையிலான கட்டமைப்புக்கு மாறியுள்ள இந்தியாவின் ஆளுமை அணுகுமுறையில், குறிப்பிடத்தக்க மாற்றம் ஏற்பட்டுள்ளதை எடுத்துரைத்தார். இந்த மாற்றம் அரசு ஊழியர்கள் தங்கள் திறன்களை தங்கள் பாத்திரங்களின் குறிப்பிட்ட பொறுப்புகளுடன் சீரமைக்க சிறந்த முறையில் தயாராக இருப்பதை உறுதி செய்கிறது. இது அரசாங்கத்தை மிகவும் மாற்றியமைக்கக் கூடியதாகவும், திறமையானதாகவும் ஆக்குகிறது என்று அவர் விளக்கினார். “இந்தியா 2047 நாம் கடுமையான விதிகளைக் கடந்து, நமது உலகளாவிய போட்டித்தன்மையை மேம்படுத்தும் ஒரு நெகிழ்வான, பங்கு அடிப்படையிலான அணுகுமுறையை பின்பற்ற வேண்டும்” என்று டாக்டர் சிங் கூறினார்.
நாட்டின் நிர்வாக நடைமுறைகளை நவீனப்படுத்தும் புதுமையான நிர்வாக சீர்திருத்தங்களுக்கு பிரதமர் திரு. நரேந்திர மோடி முன்னின்று உதவுவதாக அமைச்சர் பாராட்டினார். குரூப் பி மற்றும் சி பதவிகளுக்கான நேர்காணல்களை ஒழித்தல் மற்றும் ஆட்சேர்ப்பு காலக்கெடுவை ஒழுங்குபடுத்துதல் போன்ற சீர்திருத்தங்கள், அரசின் செயல்பாட்டின் வெளிப்படைத்தன்மை மற்றும் செயல்திறனை கணிசமாக மேம்படுத்தியுள்ளன.
“இந்த சீர்திருத்தங்கள், செயல்திறன் மற்றும் விநியோகத்திற்கு முன்னுரிமை அளிக்கும் நவீன, தகுதி அடிப்படையிலான அமைப்புக்கான பிரதமரின் தொலைநோக்கை பிரதிபலிக்கின்றன,” என்று அவர் கூறினார். முடிவுகளால் இயக்கப்படும் நிர்வாகத்தின் அவசியத்தை வலியுறுத்திய டாக்டர் ஜிதேந்திர சிங், “ஒளியியலில் இருந்து விநியோகத்திற்கான பயணம் முக்கியமானது” என்று குறிப்பிட்டார். நிர்வாகத்தின் வெற்றியை தோற்றத்தால் அளவிடக்கூடாது, மாறாக பொதுமக்களுக்கு சேவை செய்யும் உறுதியான விளைவுகளால் அளவிடப்பட வேண்டும் என்று அவர் வலியுறுத்தினார். “செயல்முறை உந்துதலில் இருந்து செயல்திறன் சார்ந்த நிர்வாகத்திற்கு மாறுவது, இந்தியா தனது உலகளாவிய அபிலாஷைகளை பூர்த்தி செய்வதற்கான முன்னோக்கிச் செல்லும் வழி” என்று அவர் குறிப்பிட்டார்.
‘மிஷன் கர்மயோகி’யின் முக்கிய நீட்டிப்பான ‘மிஷன் கர்மயோகி பிரரம்ப்’ அறிமுகப்படுத்தப்பட்டதையும் டாக்டர் ஜிதேந்திர சிங் குறிப்பிட்டார். ‘மிஷன் பிராரம்ப்’, புதிய அதிகாரிகள் தங்கள் பதவிகளுக்கு சுமூகமாக மாறுவதற்கு தேவையான கருவிகள் மற்றும் பயிற்சியைப் பெறுவதை உறுதி செய்கிறது. இது, அரசு செயல்பாட்டில் மிகவும் திறமையான மற்றும் ஊக்கமளிக்கும் பணியாளர்களை உருவாக்க உதவுகிறது.
பயிலரங்கின் போது, டாக்டர் ஜிதேந்திர சிங், அரசு அதிகாரிகளுக்கான கற்றல் அனுபவத்தை மேம்படுத்துவதை நோக்கமாகக் கொண்ட iGOT-Karmayogi தளத்தின் நான்கு புதிய அம்சங்களை அறிமுகப்படுத்தினார். அமைச்சகங்களில் திறன் மேம்பாட்டை மேலும் வலுப்படுத்துவதற்காக, பணியாளர் மற்றும் பயிற்சித் துறையின் (டிஓபிடி) வருடாந்திர திறன் மேம்பாட்டுத் திட்டத்தின் (ஏசிபிபி) கீழ், 20 புதிய துறை சார்ந்த படிப்புகளையும் அவர் வெளியிட்டார். இது தவிர, பணியாளர் நலத்துறைக்கான “உங்கள் அமைச்சகத்தை அறிந்து கொள்ளுங்கள்” முன்முயற்சியையும், மிஷன் கர்மயோகியின் கீழ் புதிய கற்றல் தொகுதிகளையும் அமைச்சர் வெளியிட்டார். இவை அனைத்தும் அரசின் செயல்பாட்டில் முழுமையாக திறன் வளர்ப்பு முயற்சிகளை மேம்படுத்த வடிவமைக்கப்பட்டுள்ளன.
எம்.பிரபாகரன்