குடியரசு நாள் விழாவில் நடைபெற்ற கலை நிகழ்ச்சிகளில் வெற்றி பெற்ற பள்ளி மற்றும் கல்லூரி மாணவியர்களுக்கும், அரசின் திட்டங்களை விளக்கி அணிவகுத்து வந்த அலங்கார ஊர்திகளின் அணிவகுப்பு நிகழ்ச்சியில் வெற்றி பெற்ற துறைகளுக்கும் முதல்வர் மு.க.ஸ்டாலின் கேடயங்களை வழங்கி வாழ்த்தினார்.சென்னை, காமராசர் சாலையில் நேற்று குடியரசு நாள் விழாவில், முதல்வர் மு.க.ஸ்டாலின் முன்னிலையில், தமிழக ஆளுநர் ஆர்.என். ரவி, தேசியக் கொடியினை ஏற்றி வைத்து மரியாதை செலுத்தினார். பின்னர், வீரதீரச் செயலுக்கான அண்ணா பதக்கம், காந்தியடிகள் காவலர் பதக்கங்கள், கோட்டை அமீர் மத நல்லிணக்கப் பதக்கம், டாக்டர் நாராயணசாமி நாயுடு வேளாண்மை விருது, சிறந்த காவல் நிலையத்திற்கான முதலமைச்சரின் கோப்பைகள் ஆகிய பதக்கங்களையும், கோப்பைகளையும் முதல்வர் மு.க. ஸ்டாலின் வழங்கி சிறப்பித்தார்.
சி.கார்த்திகேயன்