மத்திய நிலக்கரி மற்றும் சுரங்கத் துறை அமைச்சர் திரு ஜி.கிஷன் ரெட்டியின் தலைமையின் கீழ், நிலக்கரி அமைச்சகம், அதன் பொதுத்துறை நிறுவனங்கள் மூலம், சமூகப் பொறுப்பை தொடர்ந்து முன்னெடுத்து, அதை அவர்களின் செயல்பாட்டு உத்தியின் முக்கிய அம்சமாக ஒருங்கிணைக்கிறது. இந்த ஒருங்கிணைந்த முயற்சி நாட்டின் சமூக-பொருளாதார வளர்ச்சிக்கு பங்களிப்பது மட்டுமின்றி, பொறுப்புள்ள கார்ப்பரேட் குடிமக்களாக இருக்க வேண்டும் என்ற நிலக்கரி பொதுத் துறை நிறுவனங்களின் உறுதிப்பாட்டையும் வலுப்படுத்துகிறது.
கோல் இந்தியா நிறுவனம் (சிஐஎல்), அதன் துணை நிறுவனங்கள், என்.எல்.சி. இந்தியா நிறுவனம் ஆகியவை, சமூக நல்வாழ்வில் ஆழமான தாக்கத்தை ஏற்படுத்துகின்றன, பெரு நிறுவன சமூக பொறுப்பு (சி.எஸ்.ஆர்) முயற்சிகளுக்கு, ஆண்டுக்கு சுமார் ரூ .800 கோடி செலவிட உறுதிபூண்டுள்ளன. சுகாதாரம், கல்வி, திறன் மேம்பாடு, சுற்றுச்சூழல் நிலைத்தன்மை, பெண்களுக்கு அதிகாரமளித்தல் மற்றும் விரிவான சமூக மேம்பாடு ஆகியவற்றுக்கு சிறப்பு முக்கியத்துவம் அளித்து, மக்களை மையமாகக் கொண்ட வளர்ச்சியை வளர்ப்பதில், நிலக்கரி பொதுத்துறை நிறுவனங்களின் அர்ப்பணிப்பை இந்த கணிசமான முதலீடு எடுத்துக் காட்டுகிறது.
சுகாதாரத் துறை சாதனைகள்:
1. தலசீமியா பால் சேவா யோஜனா (TBSY) சிஐஎல் மூலம்:
கோல் இந்தியாவின் முதன்மை சுகாதார முன்முயற்சியான தலசீமியா பால் சேவா யோஜனா, 500 எலும்பு மஜ்ஜை மாற்று அறுவை சிகிச்சைகளை வெற்றிகரமாக முடித்ததன் மூலம், குறிப்பிடத்தக்க மைல்கல்லை எட்டியுள்ளது. இந்த திட்டம் தலசீமியா மேஜர் மற்றும் அப்பிளாஸ்டிக் அனீமியா சிகிச்சைக்காக, ஒரு நோயாளிக்கு ₹ 10 லட்சம் வரை நிதி உதவி வழங்குகிறது, இது இந்தியா முழுவதும் 356 பின்தங்கிய குழந்தைகளுக்கு பயனளிக்கிறது. 2017-ல் தொடங்கப்பட்ட இந்தத் திட்டம், ஆண்டு வருமானம் ₹8 லட்சத்திற்கும் குறைவாக உள்ள குடும்பங்களை ஆதரிக்கிறது. ₹ 70 கோடி முதலீட்டில், TBSY ‘தி கிரீன் என்விரான்மென்ட் விருது’ மூலம் அங்கீகரிக்கப்பட்டுள்ளதுடன், ஆன்லைன் மற்றும் நேரடி பயன்பாடுகள் மூலம் மருத்துவ சிகிச்சைகளுக்கு தொடர்ந்து முக்கிய நிதி ஆதரவை வழங்குகிறது.
2. நெய்வேலி பழுப்பு நிலக்கரி நிறுவனம் மூலம் கடலூர் அரசு மருத்துவமனையில் டயாலிசிஸ் மையம்:
என்.எல்.சி. இந்தியா நிறுவனம், கடலூர் அரசு மருத்துவமனையில் டயாலிசிஸ் சிகிச்சை மையத்தை நிறுவியதன் மூலம், சுகாதார சேவை அணுகலை கணிசமாக மேம்படுத்தியுள்ளது. இந்த முயற்சி ஆண்டுதோறும் 13,000 டயாலிசிஸ் சுழற்சிகளை வழங்குகிறது, பிராந்தியத்தில் உள்ள நோயாளிகளுக்கு அத்தியாவசிய மருத்துவ பராமரிப்பு கிடைப்பதை மேம்படுத்துகிறது.
3. மருத்துவ ஆக்ஸிஜன் ஆலைகள்:
தொற்றுநோய்களின் போது மருத்துவ ஆக்ஸிஜனுக்கான முக்கியமான தேவைக்கு பதிலளிக்கும் விதமாக, என்.எல்.சி. இந்தியா நிறுவனம் மற்றும் அதன் கூட்டு நிறுவனங்கள், உத்தரபிரதேசம், ராஜஸ்தான், ஒடிசா, கர்நாடகா மற்றும் தமிழ்நாடு ஆகிய மாநிலங்களில், 2,500 படுக்கைகள் கொண்ட 28 மருத்துவ ஆக்ஸிஜன் ஆலைகளை அமைத்துள்ளன. இந்த முயற்சி நாட்டின் சுகாதார உள்கட்டமைப்பை கணிசமாக வலுப்படுத்தியுள்ளது.
4. திட்டம் நன்ஹா சா தில்:
பிறவி இதய நோய் (CHD) தலையீடுகளின் அவசரத் தேவையை நிவர்த்தி செய்யும் வகையில், கோல் இந்தியா நிறுவனம் நன்ஹா சா தில் திட்டத்தைத் தொடங்கியுள்ளது. இந்த முயற்சி, ஜார்க்கண்டில் கிராம மற்றும் மாவட்ட முகாம்கள் மூலம் சுமார் 18,000 குழந்தைகளுக்கு சி.எச்.டி பரிசோதனையில் கவனம் செலுத்துகிறது. இந்த திட்டம் 500 குழந்தைகளுக்கு அறுவை சிகிச்சை அல்லது வடிகுழாய் அடிப்படையிலான தலையீடுகளை வழங்குவதையும், குழந்தை இதய பராமரிப்பில் 50-க்கும் மேற்பட்ட இளம் நிபுணர்களுக்கு பயிற்சி அளிப்பதையும் நோக்கமாகக் கொண்டுள்ளது. ₹ 9.37 கோடி நிதியளிக்கப்பட்ட இந்தத் திட்டம், ஆரம்பத்தில் எதிர்கால விரிவாக்கத்திற்கான திட்டங்களுடன் நான்கு மாவட்டங்களில் செயல்படும்.
பிற குறிப்பிடத்தக்க உடல்நலம் தொடர்பான CSR முயற்சிகள் கீழே குறிப்பிடப்பட்டுள்ளன:
– பிரேமஷ்ராலே கட்டுமானம்: கொல்கத்தாவில் புற்றுநோய் சிகிச்சைக்கு உட்படுத்தப்படும் வெளிநோயாளிகளுக்கு ஒரு இல்லத்தை நிறுவுதல்.
– நடமாடும் சுகாதார சேவைகள்: நடமாடும் அலகுகள் மூலம் பின்தங்கிய மக்களுக்கு சுகாதார சேவைகளை வழங்குதல்.
– COVID-19 ஆதரவு: அடிப்படை உள்கட்டமைப்பின் வளர்ச்சி மற்றும் பழுதுபார்ப்பு மற்றும் COVID-19 பராமரிப்பு மையங்களுக்கான மருத்துவ உபகரணங்களை கொள்முதல் செய்வதற்கான நிதி.
– புற்றுநோய் பராமரிப்பு ஆதரவு: ராஞ்சி புற்றுநோய் மருத்துவமனை மற்றும் ஆராய்ச்சி மையத்தில், மேம்பட்ட சமூக-பொருளாதார ஆதரவு, புற்றுநோய் கண்டறிதல் மற்றும் சிகிச்சைக்காக டாடா கேன்சர் கேர் உடன் ஒத்துழைப்பு.
இந்த தாக்கத்தை ஏற்படுத்தும் பெருநிறுவன சமூக பொறுப்புணர்வு முன்முயற்சிகள், சுகாதார சேவைகளை மேம்படுத்துவதிலும், நாடு முழுவதும் உள்ள சமூகங்களின் வாழ்க்கைத் தரத்தை மேம்படுத்துவதிலும் நிலக்கரி பொதுத்துறை நிறுவனங்களின் உறுதிப்பாட்டை எடுத்துக் காட்டுகின்றன.
திவாஹர்