மத்திய வர்த்தக- தொழில்துறை அமைச்சர் திரு பியூஷ் கோயல், நியூயார்க்கில், தொழிலதிபர்கள் மற்றும் வெளிநாடுவாழ் இந்தியர்களுடன் முக்கிய சந்திப்புகளை நடத்தினார்.
அமெரிக்க பயணத்தின் இரண்டாவது நாளில், அமைச்சர் கோயல் பிளாக்ராக் தலைமை செயல் அதிகாரி திரு ராபர்ட் கோல்ட்ஸ்டீன் உள்ளிட்ட முன்னணி முதலீட்டாளர்களை சந்தித்தார்; சிஸ்டம்ஸ் டெக்னாலஜி குழும தலைவர் மற்றும் தலைமை நிர்வாக அதிகாரி, திரு அனுப் போபட்; டில்மேன் ஹோல்டிங்ஸ் தலைமை நிர்வாக அதிகாரி திரு சஞ்சீவ் அஹுஜா; C4V தலைமை நிர்வாக அதிகாரி, திரு சைலேஷ் உப்ரட்டி; மற்றும் ஜானஸ் ஹென்டர்சன் முதலீட்டாளர்கள் தலைமை நிர்வாக அதிகாரி திரு அலி திபாட்ஜ் ஆகியோரை அமைச்சர் சந்தித்தார். இந்த சந்திப்புகளின் போது, இந்தியாவை உலகளாவிய உற்பத்தி மையமாக நிலைநிறுத்துவதற்கான, ஒத்துழைப்புக்கான வாய்ப்புகள் குறித்து அமைச்சர் கோயல் விவாதித்தார். மேலும் இந்தியாவில் தங்கள் வணிக மற்றும் வர்த்தக தடங்களை அதிகரிக்க, முதலீட்டாளர்களுக்கு அழைப்பு விடுத்ததுடன், அதே நேரத்தில் முன்னணி வணிக நிபுணர்களிடமிருந்து பரிந்துரைகளையும் யோசனைகளையும் சேகரித்தார்.
ஊடக உலகில் பெரும் தாக்கத்தையும், ஆக்கப்பூர்வமான பங்களிப்பையும் அளித்து வரும் இந்திய வம்சாவளியைச் சேர்ந்த இளம் தொழில்முனைவோர், நியூஸ்வீக் நிறுவனத்தின் தலைமை நிர்வாக அதிகாரி திரு. தேவ் பிரகத் உடனும் அமைச்சர் கலந்துரையாடினார்.
அமெரிக்க-இந்திய நீடித்த கூட்டாண்மை மன்றத்தின் (யு.எஸ்.ஐ.எஸ்.பி.எஃப்) உறுப்பினர்களுடன், ஒரு மதிய உணவு சந்திப்பு நடைபெற்றது. அப்போது, அமைச்சர் எளிதாக வணிகம் செய்வதை மேம்படுத்துதல், உள்கட்டமைப்பு மேம்பாடு, அறிவுசார் சொத்துரிமை சீர்திருத்தங்கள் மற்றும் பொருத்தமான ஊக்கத்தொகை திட்டங்கள் மூலம், உற்பத்தித் துறைகளுக்கு முன்னுரிமை அளித்தல் ஆகியவற்றில், அரசாங்கத்தின் உறுதிப்பாட்டை வலியுறுத்தினார். புதிய கண்டுபிடிப்புகள், வேலைவாய்ப்புகளை உருவாக்குதல் மற்றும் நிலையான தொழில்துறை வளர்ச்சி ஆகியவற்றை நோக்கமாகக் கொண்ட புதிய கொள்கைகள் குறித்து, முதலீட்டாளர்கள் நம்பிக்கை தெரிவித்தனர்.
லாப நோக்கமற்ற அமைப்பான இந்தியாஸ்போரா மற்றும் நியூயார்க், நியூ ஜெர்சி, பிலடெல்பியா மற்றும் வாஷிங்டன் டி.சி.யைச் சேர்ந்த இந்திய பட்டயக் கணக்காளர்கள் நிறுவனத்தின் (ICAI) உறுப்பினர்களும், அமைச்சருடன் ஆரோக்கியமான விவாதத்தில் ஈடுபட்டனர். வெளிநாடுவாழ் இந்தியர்களின் உலகளாவிய வலிமை மற்றும் இந்தியாவின் வளர்ச்சி மற்றும் மேம்பாட்டிற்கு, வழிவகுக்கும் பரந்த வாய்ப்புகள் குறித்து இந்த விவாதம் கவனம் செலுத்தியது.
நியூயார்க்கில் உள்ள ஜெம்ஸ் மற்றும் ஜூவல்லரி தொழில்துறையின் முக்கிய வணிகத் தலைவர்களுடனான ஒரு உள்ளார்ந்த ஈடுபாடு, இந்தத் துறைக்கான உலகளாவிய மையமாகும். இது நியூயார்க்கில் உள்ள இந்திய துணைத் தூதரகத்தால் (சிஜிஐ) ஏற்பாடு செய்யப்பட்டது. உலகச் சந்தையில் ஒரு முக்கிய பங்குதாரராக இந்தியாவின் வலிமையை எடுத்துரைத்த அமைச்சர், மேம்பட்ட ஒத்துழைப்பு, முதலீடு மற்றும் புதுமை ஆகியவற்றுக்கான சாத்தியக்கூறுகளை வலியுறுத்தினார், இது இந்தத் துறையில் வளர்ச்சியை மேலும் ஊக்குவிக்கும். இந்த கலந்துரையாடல் இரு சந்தைகளுக்கிடையில் வலுவான உறவுகளை வளர்ப்பதில் ஒரு குறிப்பிடத்தக்க முன்னேற்றத்தைக் குறிக்கிறது, பரஸ்பர நன்மை மற்றும் வளர்ச்சிக்கான புதிய வழிகளைத் திறக்கிறது.
எஸ்.சதிஸ் சர்மா