ஆமதாபாத் – மும்பை இடையே, அதிவேக, புல்லட் ரயில் இயக்குவதற்கான அடிக்கல் நாட்டும் விழா, இந்திய பிரதமர் நரேந்திர மோதி, ஜப்பான் பிரதமர் ஷின்சோ அபே ஆகியோர் தலைமையில் இன்று (14.09.2017) நடைப்பெற்றது.
இத்திட்டம், ஜப்பான் நாட்டு கடனுதவியுடன் செயல்படுத்தப்பட உள்ளது. ஒரு லட்சத்து, 10 ஆயிரம் கோடி ரூபாய் செலவில் இத்திட்டம் நிறைவேற்றப்பட உள்ளது. இதில், 65 சதவீத தொகையை 0.1 சதவீத வட்டியில் ஜப்பான் வழங்குகிறது.
இவ்விழாவில் இந்திய ரயில்வே அமைச்சர் பியூஷ் கோயல், குஜராத் முதல்வர் விஜய் ரூபானி உள்ளிட்டோர் கலந்து கொண்டனர்.
ஆமதாபாத் – மும்பை இடையே, 508 கி.மீ., தூரத்துக்கு இயக்கப்பட உள்ள இந்த புல்லட் ரயில், மணிக்கு, 320 கி.மீ., வேகத்தில் செல்லும். இந்த வேகம் மணிக்கு, 350 கி.மீ., வரை அதிகரிக்கப்படும். இந்த ரயில், சபர்மதி, வதோதரா உட்பட, 12 ரயில்வே ஸ்டேஷன்களில் நின்றுசெல்லும். மொத்த வழித் தடத்தில், 92 சதவீத தூரம் மேம்பாலத்தில் புல்லட் ரயில் பயணிக்கும். 6 சதவீதம் தூரம் சுரங்கப்பாதையாக இருக்கும். மீதமுள்ள, 2 சதவீத தூரம் தரையில் பயணிக்கும். 21 கி.மீ. தூர சுரங்கப்பாதையில், 7 கி.மீ., தூரம் கடலுக்கு அடியில் அமைகிறது. இந்த திட்டத்தை ஐந்து ஆண்டுகளில் முடிக்க இலக்கு நிர்ணயிக்கப்பட்டுள்ளது.
-டாக்டர்.துரைபெஞ்சமின்.
ullatchithagaval@gmail.com