இளைஞர்களுக்கு வேலை வாய்ப்புகளை வழங்குவதற்கும் குடிமக்களின் நலனை உறுதி செய்வதற்கும் பிரதமரின் தொடர்ச்சியான உறுதிப்பாட்டை நிறைவேற்றுவதற்கான ஒரு குறிப்பிடத்தக்க முன்னேற்றமாக, நிலக்கரி அமைச்சகத்தின் கீழ் இயங்கும் கோல் இந்தியா லிமிடெட், என்.எல்.சி.ஐ.எல் (நெய்வேலி பழுப்பு நிலக்கரி நிறுவனம்) ஆகியவை ஜூலை 2022 முதல் தீவிர ஆட்சேர்ப்பு இயக்கத்தை வெற்றிகரமாக மேற்கொண்டுள்ளன. ஆகஸ்ட் 21, 2023 நிலவரப்படி, கோல் இந்தியா லிமிடெட் மற்றும் என்.எல்.சி.ஐ.எல் வழங்கிய இலக்குகள் மற்றும் நியமனக் கடிதங்களின் நிலை குறிப்பிடத்தக்க முன்னேற்றத்தைக் காட்டுகிறது.
கோல் இந்தியா லிமிடெட், தனது இடைவிடாத முயற்சியில், ஏழு கட்டங்களாக ஆட்சேர்ப்பு இயக்கங்களை நடத்தியுள்ளது. கோல் இந்தியா லிமிடெட் (சி.ஐ.எல்) மொத்தம் 7,268 நியமனக் கடிதங்களை வழங்கியுள்ளது, இது 3,969 இலக்கைத் தாண்டி, 83.11% வளர்ச்சியைக் குறிக்கிறது. ஆகஸ்ட் 2023 இல், இலக்கு 465 ஆக இருந்தது, மொத்தம் 574 நியமனக் கடிதங்கள் வழங்கப்பட்டன.
என்.எல்.சி இந்தியா லிமிடெட் 528 நியமனக் கடிதங்களை வழங்குவதன் மூலம் அசாதாரண அர்ப்பணிப்பை வெளிப்படுத்தியுள்ளது, இது செப்டம்பர் 19, 2023 நிலவரப்படி நிர்ணயிக்கப்பட்ட 480 இலக்கைத் தாண்டி, 10% குறிப்பிடத்தக்க வளர்ச்சியைக் குறிக்கிறது. ஜூலை 2023 இல், என்.எல்.சி.ஐ.எல் 75 இலக்கைக் கொண்டிருந்தது, மேலும் அவை 149 நியமனக் கடிதங்களை வழங்கியதன் மூலம் சிறப்பாக செயல்பட்டன.
இந்தச் சாதனை இளைஞர்களுக்கு அதிகாரமளிப்பதற்கான அரசாங்கத்தின் உறுதிப்பாட்டை அடிக்கோடிட்டுக் காட்டுகிறது. தேசத்தைக் கட்டியெழுப்புவதில் நிலக்கரி பொதுத்துறை நிறுவனங்களின் அர்ப்பணிப்பைப் பிரதிபலிக்கிறது. வேலைவாய்ப்புகளை உருவாக்குவதில் இந்த ஆட்சேர்ப்பு இயக்கம் ஒரு ஊக்கியாக செயல்படுவதுடன், இளைஞர்களுக்கு அவர்களின் பிரகாசமான எதிர்காலத்தை வடிவமைப்பதில் வாய்ப்புகளை வழங்குகிறது.
எம்.பிரபாகரன்