மத்திய வர்த்தகம் மற்றும் தொழில்துறை, நுகர்வோர் விவகாரங்கள், உணவு மற்றும் பொது விநியோகம் மற்றும் ஜவுளித் துறை அமைச்சர் ஸ்ரீ பியூஷ் கோயல், நாடு பொருளாதார ரீதியாக வளரும்போது காகிதத் தொழில் தொடர்ந்து முன்னேறும் என்று கூறினார். இன்று புது தில்லியில் இந்திய காகித வர்த்தக சங்கங்களின் கூட்டமைப்பு (FPTA) 62வது ஆண்டு பொதுக் கூட்டத்தில் உரையாற்றிய ஸ்ரீ கோயல், காகிதத்தின் மறுசுழற்சி மற்றும் நிலையான தன்மை அதை வட்டப் பொருளாதாரத்தின் முக்கிய அங்கமாக ஆக்குகிறது என்று கூறினார்.
காகிதத் தொழிலின் முக்கியத்துவத்தை உணர்ந்து, அறிவு, வரலாறு, இலக்கியம் மற்றும் அன்றாட வாழ்வில் இன்றியமையாத ஊடகமாக அதன் ஒருங்கிணைந்த பங்கை ஸ்ரீ கோயல் எடுத்துரைத்தார். டிஜிட்டல் சகாப்தத்தில், காகிதம் தொடர்ந்து ஒரு முக்கிய இடத்தைப் பிடித்துள்ளது, அணுகலை வழங்குகிறது மற்றும் தொடர்பு, பிராண்டிங், பேக்கேஜிங் மற்றும் பலவற்றை உள்ளடக்கிய பன்முக நோக்கங்களுக்காக சேவை செய்கிறது என்று அவர் குறிப்பிட்டார்.
வர்த்தக உலகிற்கு அரசாங்கம் அதிகம் செய்து பொருளாதாரத்தை விரிவுபடுத்துகிறது என்று ஸ்ரீ கோயல் கூறினார். போட்டித் தரம் மற்றும் சேவையின் அவசியத்தை அடிக்கோடிட்டுக் காட்டிய அமைச்சர், ஒருங்கிணைந்த ஆலைகளின் முக்கியத்துவத்தை வலியுறுத்தி, தொழில்துறைக்கான மூலோபாய பாதையை கோடிட்டுக் காட்டினார். மறுசுழற்சி செய்யப்பட்ட பொருட்களிலிருந்து காகிதத் தயாரிப்பில் கவனம் செலுத்துவதற்கும், பொறுப்பான நடைமுறைகள் மூலம் சுற்றுச்சூழல் சமநிலையை உறுதி செய்வதற்கும் தொழில்துறையை ஊக்குவித்து, நிலைத்தன்மையை ஒரு முக்கியமான காரணியாக வலியுறுத்தினார்.
எம்.பிரபாகரன்