தேசிய நெடுஞ்சாலைகள் மூலம் பஞ்சாபை வளர்ச்சிப் பாதையில் கொண்டு செல்லும் மத்திய சாலைப் போக்குவரத்து மற்றும் நெடுஞ்சாலைத் துறை அமைச்சர் திரு நிதின் கட்கரி, பஞ்சாப் மாநிலம் ஹோஷியார்பூரில் ரூ.4,000 கோடி முதலீட்டில் 29 தேசிய நெடுஞ்சாலைத் திட்டங்களை இன்று தொடங்கி வைத்தார். மத்திய வர்த்தகம் மற்றும் தொழில்துறை இணையமைச்சர் சோம் பிரகாஷ், பஞ்சாப் பாஜக மாநிலத் தலைவர் திரு சுனில் குமார் மற்றும் எம்.பி.க்கள், எம்.எல்.ஏக்கள் மற்றும் அதிகாரிகள் நிகழ்ச்சியில் கலந்து கொண்டனர்.
இன்று தொடங்கப்பட்ட மற்றும் அடிக்கல் நாட்டப்பட்ட திட்டங்களின் செயல்படுத்தல் உள்கட்டமைப்பை மேம்படுத்தும், இது செயல்படுத்தப்பட்ட பகுதியின் ஒட்டுமொத்த பொருளாதார வளர்ச்சிக்கு வழிவகுக்கும் மற்றும் மக்களின் வாழ்க்கைத் தரத்தை மேம்படுத்தும். சரக்கு போக்குவரத்தின் செயல்திறனை மேம்படுத்தும் தடையற்ற மற்றும் இலவச போக்குவரத்தின் இயக்கம் இருக்கும்.பக்வாரா மற்றும் ஹோஷியார்பூர் புறவழிச்சாலை உட்பட இந்தப் பிரிவின் 4-வழிப்பாதையை நிர்மாணிப்பதன் மூலம், பக்வாரா மற்றும் ஹோஷியார்பூருக்கு இடையே 100 கிமீ வேகத்தில் அதிவேக இணைப்பு கிடைக்கும் மற்றும் பயண நேரத்தை 1 மணிநேரத்தில் இருந்து 30 நிமிடங்களாக குறைக்கும். பக்வாரா மற்றும் ஹோஷியார்பூர் புறவழிச்சாலை நகர்ப்புறத்தில் நெரிசலைக் குறைக்கும் மற்றும் தேசிய நெடுஞ்சாலை 44 (ஜிடி சாலை) வழியாக ஹோஷியார்பூருக்கு நேரடி இணைப்பை வழங்கும். லூதியானாவில் ஜிடி சாலை மற்றும் தேசிய நெடுஞ்சாலை 5 ஐ இணைக்கும் 4-வழி லாடோவால் பைபாஸ் கட்டுமானமானது லூதியானா-ஃபெரோஸ்பூர் நெடுஞ்சாலையிலிருந்து டெல்லி-ஜலந்தர் நெடுஞ்சாலைக்கு (தேசிய நெடுஞ்சாலை 44) நேரடி இணைப்பை வழங்கும்.தல்வண்டி பாய் முதல் ஃபிரோஸ்பூர் வரையிலான 4 வழிச்சாலை மற்றும் ஃபிரோஸ்பூர் புறவழிச்சாலை கட்டுமானம் ஆகியவை இணைப்பை மேம்படுத்தும். இந்தத் திட்டங்களின் கட்டுமானம் நாட்டின் நெடுஞ்சாலைகளில் பாதுகாப்பையும் வேகமான இயக்கத்தையும் அதிகரிக்கும். திட்டப் பகுதிகளில் அமைந்துள்ள மத யாத்திரைத் தளங்கள் மற்றும் மாநிலங்களுக்கு இடையேயான இணைப்பு ஆகியவற்றில் நேரடி அதிகரிப்பு இருக்கும்.
திவாஹர்