இந்திய தர நிர்ணய அமைவனம் (BIS) சென்னை கிளையின் ஏற்பாட்டில் நகை வியாபாரிகளுக்கு ஹால்மார்க்கிங் பற்றிய விழிப்புணர்வு நிகழ்ச்சியை திருவண்ணாமலையில் 07 ஜூன் 2024 அன்று நடத்தியது.
விழிப்புணர்வு நிகழ்ச்சியில் திருவண்ணாமலை மற்றும் அதன் சுற்று வட்டாரப் பகுதியைச் சேர்ந்த 75 நகை வியாபாரிகள் சங்க தலைவர்கள்/நகை வியாபாரிகள் கலந்து கொண்டனர்.
சென்னை கிளை அலுவலகத்தின் இயக்குனர் மற்றும் தலைவர் திருமதி ஜி. பவானி நகை வியாபாரிகளை வரவேற்று, நிகழ்ச்சியின் நோக்கங்களை விளக்கினார். ஹால்மார்க்கிங் திட்டத்தின் முக்கியத்துவம், திட்டம் தொடங்கப்பட்ட பின்னணி, மற்றும் ஹால்மார்க்கிங் திட்டம் எவ்வாறு பல ஆண்டுகளாக மெருகேறி வருகிறது என்பது குறித்து அவர் விளக்கினார்.
இதனைத் தொடர்ந்து, இணை இயக்குநர் திரு B J கெளதம், தொழில்நுட்ப விளக்க நிகழ்ச்சியை நடத்தினார். பிஐஎஸ் ஹால்மார்க்கிங் திட்ட நடைமுறைகள், ஹால்மார்க்கிங் விதிகள் மற்றும் ஒழுங்குமுறை, நகைக்கடைகளின் பொறுப்புகள், இந்திய தர நியமத்தின் விளக்கம் (IS 1417 & IS 2112) மற்றும் திருத்தங்கள், HUID பற்றி, ஆன்லைன் பதிவு, மானக் இணையம் பற்றிய அறிமுகம், பிஐஎஸ் கேர் அப்ளிகேஷன் டெமோ ஆகிய தொழில்நுட்ப விளக்கக்காட்சிகளையும் அவர் விளக்கினார்.
பங்கேற்பாளர்கள்/ நகை வியாபாரிகள் கூட்டத்தில் BIS இன் விழிப்புணர்வு முயற்சியைப் பாராட்டினர். நன்றியுரையுடன் நிகழ்ச்சி நிறைவுற்றது.
இந்திய தர நிர்ணய அமைவனம் (பி .ஐ .எஸ் ) என்பது இந்திய அரசின் நுகர்வோர் விவகாரங்கள், உணவு மற்றும் பொது விநியோக அமைச்சகத்தின் கீழ் செயல்படும் ஒரு சட்டரீதியான அமைப்பாகும். இது பொருள்களுக்கான தர உரிமம் (ஐஎஸ்ஐ மார்க்), மேலாண்மை திட்ட சான்றிதழ், தங்கம் மற்றும் வெள்ளி நகைகள்/கலைப் பொருள்களுக்கான ஹால்மார்க் உரிமம் மற்றும் ஆய்வகச் சேவைகளின் நலன் மற்றும் நுகர்வோர் பாதுகாப்பை நோக்கமாகக் கொண்ட பல்வேறு திட்டங்களை செயல்படுத்துகிறது.
திவாஹர்