திருச்சி ரானே பல்தொழில் நுட்ப கல்லூரியின் (Rane Polytechnic Technical campus) ஆண்டு விளையாட்டு விழா, 69-வது குடியரசு தினவிழாவுடன் சேர்த்து ஜனவரி 26-ந்தேதி கொண்டாடப்பட்டது.
இவ்விழா கல்லூரி முதல்வர் ஆ.சரவணன் தலைமையில் நடைப்பெற்றது. சிறப்பு விருந்தினராக ரானே ஹோல்டிங்ஸ் லிமிடெட் தலைவர் சு.வெங்கடநாராயணன் கலந்துகொண்டார். K.சபாபதி (Former coordinator, SPCU) D.விஸ்வநாதன் (DGM – Finance & Admin, Rane Holding Limited) மற்றும் B.ராஜலெட்சுமி (Head – Educational Initiatives, Rane Holdings Limited) ஆகியோர் கௌரவ விருந்தினர்களாக கலந்துகொண்டனர்.
தமிழ்த்தாய் வாழ்த்துடன் நிகழ்ச்சி தொடங்கியது. ஆண்டு விளையாட்டு விழாவை சிறப்பு விருந்தினர் தொடங்கி வைத்தார். மாணாக்கர்களுக்கு ஓட்ட பந்தயம், தடகளம் உள்பட அனைத்து வகையான விளையாட்டு போட்டிகளும் நடத்தப்பட்டது.
மாணவ, மாணவிகளின் வண்ணமிகு கலை நிகழ்ச்சியையடுத்து, விளையாட்டு மற்றும் பல்வேறு வகையான போட்டிகளில் வெற்றி பெற்றவர்களுக்கு சிறப்பு விருந்தினர் பரிசளித்து பாராட்டினார். நிறைவாக கல்லூரியின் உடற்பயிற்சி இயக்குநர் P.கமலக்கண்ணன் நன்றியுரையாற்றினார்.
-கே.பி.சுகுமார்.