திமுக சார்பில் ஊரக உள்ளாட்சித் தேர்தலில் வெற்றிப் பெற்ற மக்கள் பிரதிநிதிகளுக்கான மாநாடு, நாளை (ஜனவரி 31) திருச்சியில் நடைபெற இருப்பதையொட்டி, திமுக தலைவர் மு.க.ஸ்டாலின் தற்போது திருச்சியில் முகாமிட்டு மாநாட்டு பணிகளை பார்வையிட்டு வருகிறார்.
இந்நிலையில், கார்கில் போரில் வீர மரணமடைந்த திருச்சி சரவணன் இல்லத்திற்கு இன்று மாலை நேரில் சென்ற மு.க.ஸ்டாலின், மாவீரன் ‘கார்கில்’ சரவணன உருவ படத்திற்கு அஞ்சலி செலுத்தி, சரவணன் குடும்ப உறுப்பினர்களிடம் நலம் விசாரித்தார்.
அப்போது திருச்சி மேற்கு தொகுதி சட்டமன்ற உறுப்பினரும், திமுக முதன்மை செயலாளருமான கே.என்.நேரு மற்றும் திருவெறும்பூர் சட்டமன்ற உறுப்பினர் அன்பில் மகேஷ் ஆகியோர் உடனிருந்தனர்.
-கே.பி.சுகுமார்.
good