Dr. V. வருண் குமார் IPS ., திருச்சி மாவட்ட காவல்துறை கண்காணிப்பாளர்.
2011-ம் ஆண்டு பேட்ச் ஐபிஎஸ் அதிகாரியான Dr. V. வருண் குமார், திருச்சி மாவட்டத்தின் 112 வது காவல் கண்காணிப்பாளராக கடந்த ஆண்டு அதாவது 11.08.2023 வெள்ளிக்கிழமை அன்று பொறுப்பேற்றார். திருச்சி மாவட்டத்தில் பல்வேறு காவல் நிலையங்களில் நிலுவையில் உள்ள குற்ற வழக்குகளைத் தீர்க்க நடவடிக்கை எடுக்கப்படும் என்றும், பொதுமக்கள் தங்கள் குறைகளை எப்போது வேண்டுமானாலும் தன்னை தொடர்பு கொண்டு தெரிவிக்கலாம் என்று சொன்னதோடு மட்டுமல்லாது; அதற்கான அலைபேசி எண்ணையும் (94874 64651) அவர் வெளியிட்டார்.
இதனைத் தொடர்ந்து சமூக விரோதிகளால் பாதிக்கப்பட்ட மக்கள் துணிச்சலுடன் திருச்சி மாவட்ட காவல்துறை கண்காணிப்பாளர் அலுவலகத்தில் நேரிலும் மற்றும் அலைபேசி மூலமாகவும் புகார் அளிக்க தொடங்கினர்.
ரவுடிகள், கூலிப்படை கும்பல் மற்றும் சமூக விரோதிகள் செய்யும் ஒட்டுமொத்த குற்றச் சம்பவங்களுக்கும் பொருளாதாரப் பின்புலமாக கட்டப்பஞ்சாயத்து, கந்துவட்டி, மிரட்டி பணம் பறித்தல், நிலங்களை அபகரித்தல், கூலிக்காக கொலை செய்தல், கள்ளத்தனமாக மது மற்றும் போதை பொருட்கள் விற்பனை இவைகள் தான் அடிப்படை காரணமாக இருந்து வருகிறது என்பதை உணர்ந்த திருச்சி மாவட்ட காவல்துறை கண்காணிப்பாளர் Dr. V. வருண்குமார். இதற்கு காரணமானவர்களை கைது செய்யும் வேலையை அதிரடியாக தொடங்கினார்.
மேற்படி சமூக விரோதிகளுக்கு ஆதரவாக ஒரு சில அரசியல்வாதிகளும், உள்ளூர் காவல்துறை அதிகாரிகளும் தனிப்பட்ட ஆதாயத்திற்காக உடந்தையாக இருப்பது தான் தொடர் குற்றங்களுக்கு காரணம் என்பதை உணர்ந்து, அதுப்போன்ற காவலர்களையும் மற்றும் காவல் அதிகாரிகளையும் கண்காணிக்கும் பணியிலும், அவர்களை களையெடுக்கும் வேலையிலும் தயவு தாட்சண்யம் இல்லாமல் அதிரடி நடவடிக்கைகளை மேற்கொண்டு வருகிறார். அதற்காக தனது தலைமையின் கீழ் தனிப்படைகளை அமைத்து செயல்படுத்தியும் வருகிறார்.
இந்நிலையில் கட்டப்பஞ்சாயத்து மற்றும் நில அபகரிப்பு செய்யும் நபர்களோ, சரித்திர பதிவேடு குற்றவாளிகளோ நேரடியாகவோ அல்லது தொலைபேசியின் மூலமாக மிரட்டினாலோ அவற்றை 97874 64651 என்ற அலைபேசி எண்ணிற்கு உடனடியாக தகவல் தெரிவிக்குமாறும் சமீபத்தில் அறிவிப்பு ஒன்றை வெளியிட்டார்.
அதன் காரணமாக பாதிக்கப்பட்ட மக்கள் திருச்சி மாவட்ட காவல்துறை கண்காணிப்பாளர் அலுவலகத்தை நோக்கிப் படையெடுக்க தொடங்கினர். இவற்றின் விளைவு ‘ஆப்ரேஷன் அகழி’ என்ற பெயரில் அதிரடிச் சோதனை நடவடிக்கை ஆரம்பமானது.
காத்தான் (என்கிற) காத்த பிள்ளை.
இந்நிலையில், கட்டப்பஞ்சாயத்து, அடியாட்களை வைத்து மிரட்டல், போலி ஆவணம் தயாரித்து ஏழை எளிய விளிம்பு நிலை மக்களை மிரட்டி நில அபகரித்தல், வருமானத்துக்கு அதிகமாக சொத்து சேர்ப்பு ஆகிய குற்றச்செயல்களில் தொடர்ந்து ஈடுபட்டு வரும் இலால்குடி பகுதியைச் சேர்ந்த காத்தான் என்கிற காத்த பிள்ளை மற்றும் அவரது மகன் தினேஷ் பாபு ஆகியோர் மீதும், அவர்களுக்கு வலதுக்கரமாக செயல்பட்டு வரும் அவரது ஆதரவாளர்கள் மீதும், மேற்படி குற்ற செயல்களுக்கு உடந்தையாக இருக்கும் வருவாய் துறை, பத்திரப் பதிவுத்துறை மற்றும் காவல்துறை அதிகாரிகள் மீதும் பல்வேறு புகார்கள் திருச்சி மாவட்ட காவல்துறை கண்காணிப்பாளர் Dr. V. வருண்குமாரிடம் குவிந்த வண்ணம் உள்ளது.
திருச்சிராப்பள்ளி மாவட்ட காவல்துறை கண்காணிப்பாளர் Dr.V. வருண் குமார் உத்தரவின் பேரில் ‘ஆப்ரேஷன் அகழி’ என்ற பெயரில் அதிரடி சோதனை நடவடிக்கை மேற்கொண்டதில் ஏராளமான சொத்துப் பத்திரங்களும், வங்கி கணக்கு புத்தகங்களும், பூர்த்திச் செய்யப்படாத வங்கி காசோலைகளும், கடன் பத்திரங்களும் கைப்பற்றப்பட்டன.
காத்தான் மகன் தினேஷ் பாபு.
குற்றவாளிகளுக்கு ஆதரவாக செயல்படும் கிராம நிர்வாக அலுவலர் வினோத் குமார்.
குழந்தைசாமி மகன் பாஸ்கர்.
இந்நிலையில், திருச்சிராப்பள்ளி மாவட்டம், இலால்குடி வட்டம், செவ்வந்தி நாதபுரம் வருவாய் கிராம எல்லைக்கு உட்பட்ட மயில் அரங்கம் கிராமத்தில் வசிக்கும் குழந்தைசாமி என்பவரின் மகன் பாஸ்கர் என்பவர், தனது தாத்தா மற்றும் அப்பா காலத்திலிருந்து மூன்று தலைமுறைக்கு மேல் பரம்பரை, பரம்பரையாக சாகுபடி செய்து வரும் செவ்வந்திநாதபுரம் வருவாய் கிராமம் சர்வே எண்: 40/2-ல் 1.03. 50 ஏர்ஸ் அதாவது 1 ஏக்கர் 55 சென்ட் தனக்கு சொந்தமான நிலத்தை அபகரிக்க வேண்டும் என்று கெட்ட நோக்கத்தோடு இலால்குடியைச் சேர்ந்த காத்தான் என்கிற காத்தபிள்ளை மோசடியாக ஆவணங்களை தயாரித்து அவரது மகன் தினேஷ் பாபு பெயரில் கிரையப் பத்திரம் செய்துள்ளார். இதற்கு கிராம நிர்வாக அலுவலர் வினோத் குமார் உடந்தையாக இருந்துள்ளார். மேலும், மேற்படி நிலத்திற்கு எந்த வகையிலும் தொடர்பு இல்லாத; இன்னும் சொல்லப்போனால் அந்த நிலம் எங்கு இருக்கிறது என்று கூட தெரியாத சென்னையைச் சேர்ந்த வைத்தியநாத ஐயரின் பேரன்களும், சுந்தர்ராஜன் என்பவரின் மகன்களுமான பாலகிருஷ்ணன், வரதராஜன், சூரிய நாராயணன், சுவாமிநாதன் ஆகியோர் கட்டப்பஞ்சாயத்து பேர்வழி இலால்குடி காத்தான் என்கிற காத்தப்பிள்ளை விருப்பத்திற்கு ஏற்ப அவரது மகன் தினேஷ் பாபு என்பவரின் பெயரில் கிரையப் பத்திரம் செய்துள்ளனர்.
மேற்படி இந்த நிலம் மட்டுமல்ல; இதை தவிர வேறு சிலர் பூர்வீகத்தில் இருந்து வரும் மேலும் சில நிலம் மற்றும் வீட்டு மனைகளையும் மேற்படி காத்தான் மகன் தினேஷ் பாபு பெயருக்கு கிரையப் பத்திரம் செய்து கொடுத்துள்ளனர்.
மேற்படி மோசடி ஆவணங்களை தயாரித்து கட்டப்பஞ்சாயத்து பேர்வழி இலால்குடி காத்தான் மகன் தினேஷ் பாபுவிற்கு கிரையப் பத்திரம் செய்து கொடுத்த நபர்களின் பெயர் மற்றும் முகவரி விவரம்.
- பாலகிருஷ்ணன் த/பெ.சுந்தர்ராஜன் (தற்போதைய வயது 59) புதிய எண் 12, பழைய எண் 14, பிளாட் எண் 2A, முதல் தெரு, கிழக்கு அபிராமபுரம், மயிலாப்பூர், சென்னை 600004.
- வரதராஜன் த/ பெ சுந்தரராஜன் (தற்போதைய வயது 52) பிளாட் எண் 2B, ஜெயஸ்ரீ அப்பார்ட்மெண்ட்ஸ், பழைய எண் 27, இராமேஸ்வரம் ரோடு, டி நகர், சென்னை 600017.
- சூரியநாராயணன் த/பெ. சுந்தரராஜன் (தற்போதைய வயது 52) பிளாட் எண் 2B, ஜெயஸ்ரீ அப்பார்ட்மெண்ட்ஸ், பழைய எண் 27, இராமேஸ்வரம் ரோடு, டி நகர் சென்னை 600017.
- சுவாமிநாதன் த/பெ. சுந்தரராஜன் (தற்போதைய வயது 51) புதிய எண் 31, பழைய எண் 14/1, ஸ்ரீ ஹெம்புஜவல்லி பிளாட்ஸ், தம்பையா ரோடு, மேற்கு மாம்பலம், சென்னை 600033.
மேற்படி மோசடி பத்திரப்பதிவுக்கு மூளையாக இருந்து செயல்பட்டவர் வரிசை எண் ஒன்றில் உள்ள பாலகிருஷ்ணன் என்பவரின் மனைவி ரமா என்பது குறிப்பிடத்தக்கது. இந்த ஆவணத்தில் இவர்தான் சாட்சி கையெழுத்தும் இட்டுள்ளார்.
பொதுவாக ஒரு நிலமோ வீடோ பத்திரப்பதிவு செய்து கொடுக்கும்போது சொத்தை எழுதிக் கொடுக்கும் நபர்கள் கிரையச் சொத்தில் எவ்வித வில்லங்கமும் வம்பு வழக்குகளும் இல்லையென்றும்; பிற்காலத்தில் யாதொரு வில்லங்கம், வம்பு வழக்கு ஏற்பட்டாலும் அதை நானும் எனது வாரிசுகளும் சொந்த செலவில் தீர்த்து வைப்போம் என்றும் உறுதி அளிக்கின்றோம். இப்படி தான் பத்திரம் எழுதுவார்கள்.
ஆனால் கட்டப்பஞ்சாயத்து பேர்வழி இலால்குடி காத்தான் மகன் தினேஷ் பாபுவிற்கு எழுதிய கிரையப் பத்திரத்தில் எந்த பிரச்சனை வந்தாலும் அதை தினேஷ் பாபுவே பார்த்துக் கொள்ள வேண்டும். கிரையம் செய்து கொடுத்தவர்கள் எந்த வகையிலும் பொறுப்பேற்க மாட்டார்கள். என்று குறிப்பிடப்பட்டிருக்கிறது.
இதிலிருந்தே தெரிகிறது மேற்படி நபர்களின் தில்லாலங்கடி மோசடி வேலைகள். ஆம், சொத்தை என் மகன் பெயருக்கு எழுதி கொடுங்கள் மற்றதை எல்லாம் நான் பார்த்துக் கொள்கிறேன் உங்களை எந்த வகையிலும் நான் சம்பந்த படுத்தமாட்டேன் என்று கட்டப்பஞ்சாயத்து பேர்வழி இலால்குடி காத்தான் விற்பனை செய்தவர்களுக்கு உறுதி அளித்ததின் பெயரில் தான் அவர்கள் இந்த சொத்துக்களை காத்தான் மகன் தினேஷ் பாபு பெயருக்கு கிரையம் செய்து கொடுத்துள்ளனர்.
மேற்படி மோசடி ஆவணத்தின் மூலம் நிலம் மற்றும் சொத்துக்களை எழுதி வாங்கிய கட்டப்பஞ்சாயத்து பேர்வழி இலால்குடி காத்தான் இடம் மற்றும் நிலத்தை பரம்பரை பரம்பரையாக அனுபவித்து வரும் நபர்களை மிரட்டி லட்சக்கணக்கில் பணம் பறித்துள்ளார். கேட்ட பணத்தை கொடுக்க முடியாத நபர்களை நிலம் மற்றும் சொத்துக்களை தன்னிடம் ஒப்படைக்க வேண்டும். இல்லையென்றால் எனது அடிஆட்களை விட்டு நிலத்தை சாகுபடி செய்ய சொல்வேன். கூலிப்படையை வைத்து உங்களை கொன்று விடுவேன். என்னிடம் மோதி யாரும் ஜெயிக்க முடியாது. எங்க பெட்டிசன் கொடுத்தாலும் எனக்கு கவலை இல்லை என்று மிரட்டியுள்ளார்.
இதனால் அதிர்ச்சி அடைந்த பாதிக்கப்பட்ட நபர்கள் திருச்சி மாவட்ட காவல்துறை கண்காணிப்பாளரிடம் எழுத்துப்பூர்வமாக புகார் அளித்துள்ளனர்.
அந்த வகையில் திருச்சி மாவட்டம் லால்குடி வட்டம் செவ்வந்திநாதபுரம் வருவாய் கிராம எல்லைக்குட்பட்ட மயில் அரங்கம் கிராமத்தில் வசிக்கும் குழந்தைசாமி மகன் பாஸ்கர் என்பவரும் திருச்சி மாவட்ட காவல்துறை கண்காணிப்பாளரிடம் நேரில் புகார் மனு அளித்தார்
இந்நிலையில் திருச்சி மாவட்ட காவல் கண்காணிப்பாளர் Dr. V. வருண் குமார் அவர்களின் அதிரடி உத்தரவின் பேரில் கட்டப்பஞ்சாயத்து பேர்வழி இலால்குடி காத்தான் என்கிற காத்தப்பிள்ளை மற்றும் அவரது மகன் தினேஷ் பாபு ஆகியோர் மீது வேறு வழி இல்லாமல் இலால்குடி போலீசார் வழக்கு பதிவு செய்துள்ளனர்.
பல தசாப்தங்களாக பல்வேறு குற்ற செயல்களில் ஈடுபட்டு வரும் கட்டப்பஞ்சாயத்து பேர்வழி இலால்குடி காத்தான் மீதும் அவரது ஆதரவாளர்கள் மீதும் இலால்குடி போலீசார் இது நாள் வரை கண்டுகொள்ளாமல் இருந்தது ஏன்?
இலால்குடி காத்தான் மற்றும் அவரது ஆதரவாளர்களின் அலைபேசி incoming outgoing அழைப்புகளை ஆய்வு செய்தாலே இதற்கான முழுமையான விடை கிடைக்கும்.
இலால்குடி காத்தான் பாரம்பரிய ஜல்லிக்கட்டு பேரவையின் துணைத் தலைவராக இருப்பதால் திருச்சி மாவட்டம் மட்டுமல்ல; தமிழ்நாட்டில் உள்ள அனைத்து கிராமங்களிலும் உள்ள குற்றப் பின்னணி கொண்ட நபர்களின் தொடர்பு இவருக்கு இருக்கிறது. இவரை பகைத்துக் கொண்டால் ஜல்லிக்கட்டு மாடு வேடிக்கைக்கு யாரும் எங்கும் கொண்டு செல்ல முடியாது. அந்த ஒரே காரணத்திற்காக இவரை சுற்றி ஒரு கூட்டம் வேறு வழி இலலாமல் சுற்றிக் கொண்டிருக்கிறது. இவர்களை பயன்படுத்திதான் இவரது சட்ட விரோத நடவடிக்கைகள் தொடர்ந்து கொண்டிருக்கிறது.
திருச்சி மாவட்டத்தில் இலால்குடியை பூர்வீகமாக கொண்டு இரண்டு அமைச்சர்கள் இருக்கிறார்கள். ஆனால் அவர்களை கூட யாரும் ‘தளபதி’ என்று அழைப்பது கிடையாது. ஆனால் இந்தக் கட்டப்பஞ்சாயத்து பேர்வழி காத்தானை ‘தளபதி’ காத்தான் என்று தான் அவரது அளளக்கைகள் அழைக்கிறார்கள்.
காத்தான், அவரது மகன் மற்றும் அவரது ஆதரவாளரகள் மீது எழுந்துள்ள புகார்களை விசாரிக்க தொடங்கினால் ஒரு காவல் நிலையமே தனியாக உருவாக்க வேண்டிய நிலை உருவாகும்.
எனவே திருச்சி மாவட்ட காவல்துறை கண்காணிப்பாளர் Dr.V. வருண்குமார் அவர்களின் தலைமையின் கீழ் தனி படை அமைத்து அவரது நேரடி பார்வையில் விசாரணை மேற்கொண்டால் மட்டுமே காத்தான் என்கிற காத்த பிள்ளை வகையறாக்களால் பாதிக்கப்பட்ட மக்களுக்கு நீதி கிடைக்கும்.
திருச்சி மாவட்டத்தில் வெளிப்படையாகவே இரண்டு வகையான கருத்து நிலவி வருகிறது. ஆம், இந்த வருண் குமார் ஐபிஎஸ் எப்பதான் ட்ரான்ஸ்ஃபர் ஆகி போவாரோ? அப்போதான் நம்ம நிம்மதியா பொழப்பு நடத்த முடியும்! என்று குற்றப் பின்னணி கொண்ட நபர்களும் மற்றும் காவல் துறையில் உள்ள சில கருப்பு ஆடுகளும் வெளிப்படையாகவே புலம்புவதை பார்க்க முடிகிறது.
இந்த வருண் குமார் ஐயா இன்னும் கொஞ்ச காலத்துக்கு திருச்சி மாவட்டத்திலேயே அதிகாரியாக இருந்தா நல்லது. அப்பதான் நாம நிம்மதியா வாழ முடியும் என்று சமூக விரோதிகளால் பாதிக்கப்பட்ட மக்கள் நிம்மதி பெருமூச்சு விடுகிறார்கள்.
இந்த உண்மையை உளவுத்துறை நிச்சயம் அரசுக்கு சொல்லாது. ஆனால், உள்ளது உள்ளபடி உண்மையை உரக்கச் சொல்ல வேண்டியது நமது கடமை.
-கே.பி.சுகுமார்., B.E.,
Special Correspondent, UTL MEDIA TEAM
-ராஜா ராம்.