2393 கிலோ கிராம் பீடியிலை மற்றும் புகையிலையை சட்ட விரோதமாக கடத்தி வந்த 03 பேரை, 17 ஜூலை 2019 அதிகாலை யாழ்ப்பாணம், மண்டதீவு சந்தியில் வைத்து இலங்கை கடற்படை வீரர்கள் கைது செய்தனர்.
மண்டதீவு சாலைத் தடுப்பில் சந்தேகத்திற்கிடமான லாரி ஒன்றை சோதனை செய்தபோது, அங்கு 44 மூட்டைகளில் நிரம்பிய 1359 கிலோ பீடி இலைகள் மற்றும் 31 பொதிகளாக நிரம்பிய 1034 கிலோ புகையிலை ஆகியவற்றை பறிமுதல் செய்தனர்.
கைது செய்யப்பட்ட நபர்கள், பறிமுதல் செய்யப்பட்ட பீடியிலை, புகையிலை மற்றும் லாரி ஆகியவற்றை மேலதிக சட்ட விசாரணைகளுக்காக யாழ்ப்பாணம் சுங்கத்துறை அதிகாரிகளிடம் ஒப்படைத்தனர்.
-என்.வசந்த ராகவன்.