இலங்கை மற்றும் சீன இராணுவத்தினருக்கு இடையில் ஒத்துழைப்புகளை வலுப்படுத்தும் வகையில், இலங்கை விமானப்படை தளபதி எயார் மார்ஷல் கோலித குணதிலக்க, சீனாவின் விமானப்படைத் தளபதி ஜெனரல் மொஷியோ ஷெய்னுடன் பேச்சு நடத்தியுள்ளார்.
இலங்கை விமானப்படைத் தளபதி சீனாவுக்கு மேற்கொண்ட விஜயத்தின் போது இந்த பேச்சு நடத்தப்பட்டுள்ளது.
இலங்கை விமானப்படைத் தளபதி எயார் மார்ஷல் கோலித குணதிலக்க, சீனாவின் விமான மற்றும் பாதுகாப்பு தயாரிப்பு நிறுவனமான சீன தேசிய விமான தொழில்நுட்ப ஏற்றுமதி மற்றும் இறக்குமதி நிறுவனத்திற்கும் விஜயம் செய்துள்ளார்.
இலங்கை விமானப்படையினரிடம் இருக்கும் பெரும்பாலான விமானங்கள் இந்த நிறுவனத்தில் தயாரிக்கப்பட்டவை என்பது குறிப்பிடத்தக்கது.
-எஸ்.சதிஸ் சர்மா.